湘聚漁樂圈 (Closed)

本人愛吃麻辣野，今次去試左間以食魚為主題既川菜餐廳，餐廳名都用圍繞住魚架，叫湘聚漁樂圈！除左魚之外仲有其他四川小菜同水煮牛，但黎到當然唔可以唔試吓佢嘅魚，我哋叫咗三款魚嘅唔同部位嘅菜式，魚雜、魚皮、酸菜魚 🐟酸菜魚雖然而家好多地方都有得食，但呢間酸菜魚會加埋檸檬，格外開胃！而魚肉應有嫩滑，配菜嘅豆腐同埋金菇亦都非常入味，而且酸菜湯調味啱啱好，唔會好似出面食咁鹹。涼拌魚皮鍾意魚皮嘅朋友一定好鍾意，魚皮比想像中更爽口彈牙，配埋酸酸甜甜嘅涼拌醬汁，幾特別既涼拌前菜！幹鍋魚雜辣椒洋蔥爆香嘅魚雜，入邊有魚春同埋魚鏢，沾滿辣辣的醬汁，非常惹味，送飯一流。