Video
Read full review
2016-02-21
353 views
Vi一向都好中意食北京填鴨, 今日同朋友去赤柱行下, 夜晚經過比呢間專食鴨既fusion菜吸引住, 決定試下~餐廳設計好簡約, 空間感大, 坐得舒服, 裡面亦有個半開放式既廚房, Menu上面差唔多樣樣野都係用鴨做既, 選擇有好多, 最後Vi點左北京填鴨半隻,燻鴨配哈蜜瓜沙律, 北京填鴨香芒米紙卷, 八寶茶同陳皮焦糖燉蛋~呢壺八寶茶幾特別, Vi第一次飲, 入面有8種材料, 桂圓、紅棗、雪梨、冰糖、提子乾、芝麻等, 飲落幾清甜, 好香桂圓味, 幾潤喉, 店員不時過黎加水, 加左幾次茶依然好濃, 2個人都夠飲之後就係Vi最中意食既北京填鴨人少少所以要左半隻, 不過半隻都有好多塊, 比平時酒樓食抵食, 填鴨每塊皮同肉既比例平均, 包埋餅皮, 青瓜, 蔥同填鴨醬汁食, 鴨肉味香濃, 而且皮幾脆, 有油香, 好味~ 不過餅皮有d乾, 要落多d醬中和番~ 食完咁大碟填鴨都幾飽, 所以點左一兩款小食試下, 呢個北京填鴨香芒米紙卷幾特別, 將京菜同越南菜混合, 米紙卷入面包左填鴨, 芒果, 青瓜同香蔥, 米紙卷皮好薄好煙un, 食落爽口清新, 同填鴨都幾夾, 係唔錯既fusion小食~呢個燻鴨配哈蜜
餐廳設計好簡約, 空間感大, 坐得舒服, 裡面亦有個半開放式既廚房, Menu上面差唔多樣樣野都係用鴨做既, 選擇有好多, 最後Vi點左北京填鴨半隻,燻鴨配哈蜜瓜沙律, 北京填鴨香芒米紙卷, 八寶茶同陳皮焦糖燉蛋~
呢壺八寶茶幾特別, Vi第一次飲, 入面有8種材料, 桂圓、紅棗、雪梨、冰糖、提子乾、芝麻等, 飲落幾清甜, 好香桂圓味, 幾潤喉, 店員不時過黎加水, 加左幾次茶依然好濃, 2個人都夠飲
之後就係Vi最中意食既北京填鴨人少少所以要左半隻, 不過半隻都有好多塊, 比平時酒樓食抵食, 填鴨每塊皮同肉既比例平均, 包埋餅皮, 青瓜, 蔥同填鴨醬汁食, 鴨肉味香濃, 而且皮幾脆, 有油香, 好味~ 不過餅皮有d乾, 要落多d醬中和番~
食完咁大碟填鴨都幾飽, 所以點左一兩款小食試下, 呢個北京填鴨香芒米紙卷幾特別, 將京菜同越南菜混合, 米紙卷入面包左填鴨, 芒果, 青瓜同香蔥, 米紙卷皮好薄好煙un, 食落爽口清新, 同填鴨都幾夾, 係唔錯既fusion小食~
呢個燻鴨配哈蜜瓜沙律好開胃, 燻鴨燻得好嫩滑, 食落好香鴨味, 而且1d都唔un, 配埋甜甜既哈蜜瓜幾好食, 而底下既沙律菜用左醋做汁, 酸味味幾開胃, 不過Vi就覺得酸左d~
最後甜品控Vi當然要係番個甜品先走la!! 呢度既甜品都係走fusion路線, 呢款陳皮焦糖燉蛋好創新, 用陳皮+鴨蛋做既, 燉蛋非常之軟滑, 好creamy,係Vi最中意既質感, 因為用左鴨蛋, 所以蛋味更香濃, 入面有一絲絲陳皮, 食落出奇地夾, 同埋表面既脆糖好脆身, 所有野夾埋perfect
整體今餐全鴨宴食得好滿足, 而且好特別, 平時比較少食到北京填鴨既fusion菜, Vi同朋友都渡過左一個愉快的晚上~
Post
