小白屋 (Closed)

兩個人去食晚餐，朋友既食力好明顯比我好得多啦，我地一人叫左個set，之後就一齊share 黎食: 我地叫左一個炒雜菜、煙鴨胸沙律同埋一個牛扒(係用煙肉包住件扒，而個心就釀左芝士既)。至於甜品，朋友就叫左佢地好出名既朱古力三角，我就食左一個自家製既菠蘿雪糕拌生果。個煙鴨胸好入味，不過覺得實左d，作為主菜佢都幾夠飽架，沙律菜新鮮而且個汁又唔肥，好開胃。個炒菜係用茄汁炒左之後再焗既，上檯個陣仲係爽脆既，唔錯~ 反而我個牛扒既配菜就好好味，件牛都好味，而且做到全熟之餘又唔鞋口，不過可能佢件芝士唔得啦，我覺得配合唔到件牛囉。個朱古力三角朋友話真係好重朱古力味架，邊個鐘意食朱古力既就一定啱食。而我個雪糕好似以前牛奶公司個種菠蘿雪糕咁，有粒粒鮮菠蘿係入味，又唔太甜，配埋生果好fresh架。