桔梗 (Closed)

前排去到呢間台灣cafe桔梗，夜晚餐牌選擇唔多，主要都係食燉飯，如果晏晝嚟嘅話餐牌就會多啲種類可以揀。 龍蝦羅勒堅果燉飯燉飯食落有非常濃既香草味，醬汁頗多，個飯索晒醬汁所以食落比較濕潤，不過都仲保持到al dente煙煙靱靱嘅口感。配料有超多份量既龍蝦肉，啖啖肉好足料，而且有海水鮮味，絕對對得住個價錢，只係略嫌唔夠爽口，食唔到一梳梳龍蝦肉既口感。不過建議晏晝或者同朋友share嚟食，因為份量都幾多，一個人食晒就會飽得滯喇。 松露菇威士忌藍莓燉飯呢個燉飯配料唔太多味道亦都偏淡，另外由於醬汁都幾稠杰所以食落都幾濟。松露菇幾清香，不過放埋藍莓落去令到成個飯整體有少少怪，食落味道唔係太夾。同上面個燉飯一樣份量都幾大，建議同朋友share嚟食。 桔梗奶昔叫得格梗奶昔應該都係招牌作啦，原來係士多啤梨奶昔，不過當然唔係金拱門嗰啲啦，呢個俾到驚喜喎，士多啤梨味超級超級天然，一啲人工糖漿味都無，飲到係好天然，淡淡既生果甜味，配埋少少朱古力糖漿同埋面頭既忌廉同瑪利餅都唔會甜，奶昔嚟講又幾出色。 人均消費：$220推介指數（10分為滿分）：7.5分