洪記粥品 (將軍澳廣場)

Open Now

Now Closed

不滿到要為左呢間店寫人生第一篇食評之前叫過外賣生滾鮮牛粥加滑雞，加埋成$45，成碗粥得一兩片牛肉，加一兩舊蚊型雞件，都已經覺得呢間店好孤寒，食材份量同價錢完全不成正比…好啦，今日個肚唔舒服，佢又係將軍澳幾個商場唯一一間粥店，焗住又幫襯左次，試吓堂食會唔會好啲，點知…叫生滾肉丸粥($35)加滑雞(+$10)粥底還好，算大碗+綿密肉丸都煮得熟同幾好食，但全碗得三四粒，細過乒乓波另外加左錢要滑雞，佢夠膽死淨係俾左一舊好瘦嘅雞件同三四粒雞頸我，無錯，係無肉嘅雞頸！加埋嘅雞肉量都唔知有無半隻雞翼咁多！呢個已經唔單只係性價比嘅問題，而係佢地竟然過到自己嗰關覺得求其serve啲雞骨當係滑雞咁俾個客係無問題⋯⋯覺得佢地做生意好無誠意同無品，絕對無下次。