Video
Read full review
2020-11-05
2047 views
一年一度食大閘蟹嘅季節又嚟喇，10月中已經開始見唔少朋友喺IG曬命，呢晚終於輪到我😛。我預先打去「星薈」訂定位，星期五晚就可以同朋友食住蟹，享受Happy Friday🎉。我哋八點半鐘去到門口，勁多人等緊入座，皆因呢個時段可以以優惠價$368/位，享用「大閘蟹饗宴」，抵‼️，之但係原價都係$398/位啫，唔貴，另外要收加一服務費同茶芥。Walk-in客要等位，或者睇下有無人放飛機，甚至最終都未必有位，所以記得記得要訂座。第一樣要講嘅必定係大閘蟹，每人可以食到三隻，品嚐兩皇一后。餐廳逐輪咁拎出嚟，咁就可以慢慢品嚐😚。餐枱有齊新碟、工具、手套同濕紙巾，非常貼心。大閘蟹公約五両重，第一輪同第三輪都係食佢🦀🦀。將佢一分為二之後，就見到大量金黃蟹膏，啲膏超甜超正，口感好綿。雖然食蟹要拆好攰，但真係超值得🤤。大閘蟹乸就細隻少少，約重3両半，我哋都認為蟹公好食啲，可能因為蟹乸啲膏相對實少少，但其實都唔差。餐牌介紹餐廳所選嘅全部都係「黃毛金爪」高質靚蟹👍。除咗大閘蟹以外套餐仲有好多嘢食，我哋飽到一個點食唔哂🤰，打包咗半份飯。食大閘蟹之前先來前菜小食，包括金磚豆腐同肴肉。兩者味道都唔錯，一人一件，前者脆口
一年一度食大閘蟹嘅季節又嚟喇，10月中已經開始見唔少朋友喺IG曬命，呢晚終於輪到我😛。我預先打去「星薈」訂定位，星期五晚就可以同朋友食住蟹，享受Happy Friday🎉。
我哋八點半鐘去到門口，勁多人等緊入座，皆因呢個時段可以以優惠價$368/位，享用「大閘蟹饗宴」，抵‼️，之但係原價都係$398/位啫，唔貴，另外要收加一服務費同茶芥。Walk-in客要等位，或者睇下有無人放飛機，甚至最終都未必有位，所以記得記得要訂座。
大閘蟹公
47 views
0 likes
0 comments
大閘蟹公約五両重，第一輪同第三輪都係食佢🦀🦀。將佢一分為二之後，就見到大量金黃蟹膏，啲膏超甜超正，口感好綿。雖然食蟹要拆好攰，但真係超值得🤤。
大閘蟹乸
34 views
0 likes
0 comments
金磚豆腐
34 views
0 likes
0 comments
肴肉
29 views
0 likes
0 comments
粟米鮮蝦羮
21 views
0 likes
0 comments
蟹粉小籠包
28 views
0 likes
0 comments
紅糟菌皇金姿
23 views
0 likes
0 comments
家嫂臘味飯
23 views
0 likes
0 comments
迷你腰果蛋黃撻
16 views
0 likes
0 comments
陳年彫皇
19 views
0 likes
0 comments
食物出色不在話下，環境仲要超正，有270度落地玻璃，🌃景色一覽無遺(就連廁所個景都勁靚🙈)，怪唔之得可以用嚟做婚宴場地。
另外，我哋仲走咗出露台八卦下，露台正到爆，不得了😍，同其他打卡天台酒吧完全冇分別；加上依家天氣涼涼哋，啱哂食完飯、坐下吹水同觀賞香港靚景。
總括嚟講，✨星薈好高質，食物同環境方面均令人滿意，兩皇一后大閘蟹宴真係食到我哋舔舔脷👅🦀🦀🦀。呢晚好滿足，過咗一個Super Happy Friday！
Post
