周師傅點心 (Closed)

今日同表弟一齊去深水埗行，想食下點心，所以就黎左食。XO蘿白糕老闆推介，雖然賣相唔係勁靚，但堅好味，有少少辣，但忍唔住口一粒一粒咁食晒。籠仔開邊蝦飯平日好少在點心店見到，好香蒜香味，我地二人叫左一個飯（因為想食其他點心），都幾足料，唔係得一隻半隻蝦，一個人應該都可以食得晒。Hea 包係奶皇流心包黎架，外表都幾得意，好熱😆,內𥚃真係流心，好味，一人一個剛剛好雞扎味道不俗，都幾足料，而且無芋頭在內，我最唔鍾意芋頭。蝦餃算是比較平凡的一味，可能其他較為突出，不過味道都算正常。咖啡糕老闆推介，本身無諗住叫，但味道都幾得意，喜歡咖啡的朋友可以試試整體感覺很好，有機會一定會再黎，仲有下次都想試試馬拉糕，見其他人食都好似幾好味。