Video
Read full review
2010-06-08
11 views
去年的六四後飲食晚會, 得到空前的成功, 只不過大坑區內食肆, 錯誤估計人數, 弄到成個大坑, 幾乎變了一個空城. 有開門但冇野食. 是晚, 我們改一改地點. 係天后開餐. 亦在此澄清一下, 這是南瓜哥代我選的地方. 不是偶選的!!!樓下位朋友唔好點錯相....清風街, 在橋底下晚餐特別有風味. 食歷豐富的南瓜大哥選餐廳真是有一手. 係天后區找到呢一間可以乘涼的小小廚. 不過可惜的, 地方雖有風味, 但味道卻不太如意.是次晚會, 因為某人的"超錯"行為而令到人人"起錨". 同上年一樣, 迫爆了整個維園. 心想, 怕去年的六四後飲食晚會之情況又出現. 不過, 感覺上, 天后區的食肆始終會準備得比較充足. 來到清風街, 店子雖然爆滿, 但起碼唔會搵個人行出黎話野食賣哂咁失禮. 好不容易安排了我們坐路邊, 感覺風涼水冷的. 而且是夜大部分野食由南瓜發版, 我則點了一個極失望的炸豬手同算可以的避風塘炒蜆, 子陵兄點了一碟蒸鱔. 唔記得邊個叫了一客荷葉飯. 首先, 是椒鹽鮮魷, 是是晚的一個好開始. 始終我們帶著激動的心情去食飯, 酒不要了, 但此等小菜, 沒有酒又好似少咁D野. 不過, 是夜心
是晚, 我們改一改地點. 係天后開餐. 亦在此澄清一下, 這是南瓜哥代我選的地方. 不是偶選的!!!樓下位朋友唔好點錯相....
清風街, 在橋底下晚餐特別有風味. 食歷豐富的南瓜大哥選餐廳真是有一手. 係天后區找到呢一間可以乘涼的小小廚. 不過可惜的, 地方雖有風味, 但味道卻不太如意.
是次晚會, 因為某人的"超錯"行為而令到人人"起錨". 同上年一樣, 迫爆了整個維園. 心想, 怕去年的六四後飲食晚會之情況又出現. 不過, 感覺上, 天后區的食肆始終會準備得比較充足. 來到清風街, 店子雖然爆滿, 但起碼唔會搵個人行出黎話野食賣哂咁失禮. 好不容易安排了我們坐路邊, 感覺風涼水冷的. 而且是夜大部分野食由南瓜發版, 我則點了一個極失望的炸豬手同算可以的避風塘炒蜆, 子陵兄點了一碟蒸鱔. 唔記得邊個叫了一客荷葉飯.
首先, 是椒鹽鮮魷, 是是晚的一個好開始. 始終我們帶著激動的心情去食飯, 酒不要了, 但此等小菜, 沒有酒又好似少咁D野. 不過, 是夜心情激昂, 不宜用酒. 大家就以茶代之. 椒鹽鮮魷就炸粉夠薄, 而且香脆, 另外的鱆魚乾雖是可口, 但需要有一定的牙力才能消化掉.
之後既避風塘炒蜆, 炸到變金黃的蔥蒜甚是可口. 沒點啤酒其實是另一個令到此頓晚飯失望的其中一個原因. 不過, 感覺上, 好似係大陸食辣子雞咁, 要找蜆肉, 好似在大海撈針咁. 初頭都幾易撈, 後來就真的好似遊戲節目中, 在波波池搵英文字咁, 撈了出來, 未必啱 (因為隨時得返個殼). 雖好味, 但這個尋寶feel就不是人人喜歡.
欖角蒜子蒸白鱔, 鱔肉夠結實, 用上欖角rather than 豉汁去蒸鱔, 味道有點不同. 雖比豉汁淡口但重的欖角味, 仿佛搶走了鱔的鮮味, 魚肉香沒有, 雖然魚鮮味被欖角味搶了一搶, 但食得出鱔是新鮮的. 算是不錯.
小炒王, 一向不甚喜歡此菜式, 只是什麼乾貨炒出來的香口佐酒小菜, 沒有酒, 絕對襯不到任何菜式. 而且此味菜甚為熱氣, 個人感覺, 少吃為妙.
終於有啖飯落肚啦, 荷葉飯來到, 快手為其拍下沙龍之後, 6隻似極鋼之練金術師中的單眼怪人般, 只懂叫肚餓. 6個人向飯裡搶. 只不過, 荷葉飯要是炒飯底的話, 理應帶點乾身, 炒飯就算材料點多, 點靚, 唔夠乾身, 就是不合格. 荷葉飯, 若飯香中帶不出荷葉香, 一樣不合格.
遲來的炸豬手, 貼得張相係門口, 預左呢一味是撚手小菜, 若是炸到皮脆肉腍的話, 就是Perfect的炸豬手. 此豬手, 炸得太乾啦, 連內裡的肉也炸到水份盡失, 硬到差點咬不開. 又熱氣, 又咬唔開, 早應點別的. 整味雞食仲好, 仲健康.
最後來的竟然是椒絲腐乳炒通菜, 用上椒絲腐乳炒, 必定是惹味靚菜. 奈何菜是靚, 極度爽甜, 但可惜了, 腐乳味唔夠, 腐乳汁稀稀的, 幾靚既菜都失色一大截.
有點強差人意的一頓飯, 不過未算做完全難食, 而且服務不錯都值得加許的. 不過, 朋友W老是說計錯錢. 我沒有看單, 就不多加評論了. 食完覺得勁熱氣.....亦發現自己長了豆豆.....
Post
