八八八拉麵 (Closed)

突然好想飲豬骨湯結果又敵唔過日本菜既誘惑擾攘一輪，本身想去食康竜，但係因為八八八近d…所以就走左落去試二人叫左兩個拉面同埋加左蛋， 牛油粟米叉燒豬骨湯拉面：呢個好好食!! 個湯可能因為加左牛油，所以好香，粟米都好甜。豬骨湯底味濃，但食完唔會話好口渴，所以相信即使有落味精都唔會多得去邊。叉燒肥瘦適中，唔會話好乾好鞋口。 吉列豬扒豬骨湯拉面 (唔係好記得個名…但大致上係咁的)：唔係咁鍾意豬扒放在湯裡一齊上，浸淋晒…肉質係ok的，個湯唔夠上面那碗好味 加蛋：隻蛋我覺得麻麻地，生熟程度係ok的，但係唔夠入味…如果要俾$12的話，我會寧願佢係再生d既溫泉蛋*由於我比較少食拉面…所以對面質冇乜要求，對我黎講呢度d拉面都幾彈牙，冇乜問題 可能要試埋其他先會有比較...我比較懷念日本o個種開放式、睇住師傅煮面同埋直接同佢落單的格局…不過我諗香港都比較難有呢d地方???環境方面，都坐得幾舒服，唔會話太嘈，隔住玻璃可以見到師傅煮麵，令人對佢地既衛生有放心的感覺個廁所都好乾淨，但唔知點解奇熱，熱到好似焗爐咁! D:題外話…當我地企o係八八八門口睇menu時，旁邊「麵屋一平安」既待應樂力派$10 coupon