八哥主題餐廳 (Closed)

顧名思義，呢間八哥主題餐廳係以「八哥」黎做主題。餐廳的裝修設計，都搵到好多八哥既影子，餐廳氣氛一流，啱曬情侶拍拖或一班friend食飯。 黑松露薯條 - 薯條係厚切，份量十足，香脆度同熱度滿分，食落除左食到薯條香脆的感覺之外，黑松露的香氣會慢慢係口腔中滲出，令質感跟味道都更上一層樓。食完見到隻碟唔多油，隔油功夫做得幾好。 澳洲和牛漢堡 - 漢堡包包身鬆軟，澳洲和牛扒好厚實，肉質鮮嫩多汁而且味道香濃，唔似其他漢堡扒乾身而無汁，口感札實唔鬆散。 焗肉醬意粉肉醬 – 意粉煮得熟程度剛好，麵質唔好腍有咬口，軟硬程度恰到好處。肉醬同芝士夠多，甜度適中，味道濃郁又唔會過鹹，十分之香口，唔使狂撈每一口都充滿肉醬、蕃茄同芝士的味道，食落非常滿足。