八寸酒食 串燒 私房料理 (Closed)

女孩子，有時也愛杯中物。行完街，唔食甜品，走咗去食串燒，飲一飲酒！位於銅鑼灣的八寸，地段都方便，而且環境唔錯。因為爆所以坐咗係BAR枱位置，見住大廚燒嘢食，流晒口水。先黎食個九小碟，這樣的前菜，夠晒別具用心。款式都多，有鮑魚、有白飯魚、有牛蒡等等。壽司，叫咗個好特別的卷物，叫做「八寸海之幸卷」。睇個名唔知係乜，但係賣相一黎就好吸引。原來係有青瓜片，包住個卷飯，上頭有鮮帶子以及滿滿的海膽，新鮮鮮味，十分吸引。喝一口清酒，是食燒物串燒的時候！這個岩鹽燒掌中寶，究竟係乜？之唔係雞腳中間的手掌中。想不到岩鹽炭香燒過後爽脆非常而且炭火味又香又惹味。黎多十串都得啊！牛方面的代表，有著厚切厚燒的牛舌。咁厚好講大廚火喉！入味惹味，而且不會鞋不老，仲好有咬口！而個牛小排，肉質嫩滑，食唔停口！這個是燒日本紫蘇魷魚，做到卷物咁，賣相一流。燒魷魚夾著紫蘇葉，食起上黎多一份清新感。佐酒之物又點可以少了雞翼，滿足的一餐宵夜！