八幡屋涮涮鍋 (Closed)

耐唔耐都想食火鍋，今日約咗朋友嚟旺角《八幡屋涮涮鍋》食點咗240分鐘刺身海鮮火鍋之盛宴D4套餐，份量好足，滿足！最先就黎個火鍋湯底，我哋就點咗麻辣湯，辣激唔辣身，但係香香辣辣好有食慾 。再嚟就豪華刺身拼盤，有三文魚，帶子，甜蝦，希靈魚，螺肉，八爪魚，鮑片，新鮮無比，超級爽。每款都新鮮，我個人特別鍾意甜蝦同埋帶子。然後嚟到重頭戲「 日本A4黑毛和牛 」～脂紋均勻，食落去油而唔膩又有肉味，加埋麻辣嘅湯底好正～ 然後海鮮盛宴一部分有鮑魚，青口，大蜆，扇貝，帆立貝，蠔，蟶子，仲有龍蝦！製，真係食到有非常之有驚喜～整體有和牛任食、海鮮同埋刺身，仲有任飲啤酒汽水，性價比好高～