Video
Read full review
2015-09-29
1414 views
中秋佳節原本想到玩特式蠔食既Walrus，點知中秋大過咩，要休息一天。旁邊既little bao就成為今晚既幸運兒啦。先黎兩杯cocktail: Yakult Fizz & 24herbs.中規中舉，但在有限的飲品當中，cocktail 可能是不錯的選擇。Truffle fries - 新鮮炸好嘅薯條配上松露菇，第一次嘗試到呢個配搭。 第一口食落嘅味道其實覺得有少少怪， 但食下食下實在無法抗拒松露嘅香。原來簡單配上薯條係可以咁滋味，完全無mismatch. Short rib pan fried dumpling - 一黎到Little Bao waiter 就推介嘅dumpling, 初時無諗住嗌， 由於一碟四隻既dumplings就要盛惠$128，感覺有d overprice. 但個心裡面又好好奇用貴價牛肉整嘅dumpling 會有幾好味，最後都係叫左。 碟煎餃一上枱平平無奇，但係咬落先知賴野，o個陣牛肉油香真係好crazy， 可以媲美和牛級別。 Oishidesu~~Pork belly Bao - Little Bao 嘅signature dish - 即叫即蒸嘅饅頭， 配上
中秋佳節原本想到玩特式蠔食既Walrus，點知中秋大過咩，要休息一天。旁邊既little bao就成為今晚既幸運兒啦。
先黎兩杯cocktail: Yakult Fizz & 24herbs.中規中舉，但在有限的飲品當中，cocktail 可能是不錯的選擇。
Truffle fries - 新鮮炸好嘅薯條配上松露菇，第一次嘗試到呢個配搭。 第一口食落嘅味道其實覺得有少少怪， 但食下食下實在無法抗拒松露嘅香。原來簡單配上薯條係可以咁滋味，完全無mismatch.
Short rib pan fried dumpling - 一黎到Little Bao waiter 就推介嘅dumpling, 初時無諗住嗌， 由於一碟四隻既dumplings就要盛惠$128，感覺有d overprice. 但個心裡面又好好奇用貴價牛肉整嘅dumpling 會有幾好味，最後都係叫左。 碟煎餃一上枱平平無奇，但係咬落先知賴野，o個陣牛肉油香真係好crazy， 可以媲美和牛級別。 Oishidesu~~
Pork belly Bao - Little Bao 嘅signature dish - 即叫即蒸嘅饅頭， 配上一塊厚厚嘅東波肉， 令對beef burger 愛不釋手嘅我都有所心動。 用中式嘅材料配上漢堡包嘅概念， 台灣刈包與鬼佬漢堡包嘅混合體，正～
Thick cut bacon - 三道菜雖然份量少但其實都會飽架！ 原本想就此停手嘅， 但眼見坐我隔離唔知操邊國語言嘅外國人竟然暴殄天物地將佢嗌o個碟肥白嘅燒腩肉食淨一半就走人，我二話不說就捧住個肚點左碟Thick cut bacon。其實碟野望落似台灣嘅燒山豬肉， 雖然佢無o個份野味嘅味道，但一塊靚仔五花腩擺d心機去燒，都好難唔掂，再配上pickles 與椰菜， 肥膩嘅感覺盡消！
Salty caramel ice cream bao - 一坐低睇到menu就已經決定要點佢做甜品架啦，無論有幾飽都好！ 結果果然無令我失望呀，又熱又脆炸饅頭、微咸Salty ice cream 、Caramel sauce撞埋，我相信無人會抗拒。
整體黎講，Little bao食物有fusion既感覺，配搭夠創新。店外牆上用上大大搶眼既Logo，店內裝潢fancy，配上醒神既team uniform tee，洗碗婆婆著住都型左。加埋少少rock pop music，係吸引既。差就差在無Draft beer同罐裝beer有d貴，店主諗諗佢～
Post
