Video
Read full review
2008-05-27
158 views
是跟美國回來的妹妹及她男朋友一同吃飯, 四個人, 想有好一點的地方傾計, 食物又不太差, 又想食中式(不用想也知不要帶她們吃鬼佬餐), 最後揀了這裡.海洋皇宮舊址的三家店, 最後試的一家就係這裡. 平日的晚上, 相當之多人, 始終這裡係有一定賣點. 這裡的餐牌同八月花近似, 不過也有點不同, 最後也選了不少食物.原來豆腐 $42: 9分, 先來的係頭盤原來豆腐. 這個其實係豆腐三重奏, 三個小碗子盛載著三種不同的豆類菜色, 是不是話原來豆腐可以這樣做? 包括有蛋白豆腐, 腐皮豆角同埋豆皮青瓜. 一開始先來清清的菜色, 正好讓味蕾作好準備. 最喜歡中間的蛋白豆腐, 蛋白夠滑, 中間隱藏著豆腐, 夾埋一齊吃係相當清新. 腐皮豆角的醬汁甜甜的, 也幾特別. 青瓜切絲, 比較輕. 三個感覺都幾好.脆脆BB豬 $45: 9分, 再一次要了這裡的招牌作, 脆脆BB豬. 人小, 就要了個頭盤份量好了. 只有四件, 正好一人一件. 放在正方形的碟上, 另跟一碟沙律, 讓你中和一下乳豬的油膩感覺. 乳豬燒得剛好, 肉質好嫩滑, 乳豬皮脆卜卜. 只係吃到一件, 不夠喉, 但又可以令人更加回味.鮮菌翡翠苗
海洋皇宮舊址的三家店, 最後試的一家就係這裡. 平日的晚上, 相當之多人, 始終這裡係有一定賣點. 這裡的餐牌同八月花近似, 不過也有點不同, 最後也選了不少食物.
原來豆腐 $42: 9分, 先來的係頭盤原來豆腐. 這個其實係豆腐三重奏, 三個小碗子盛載著三種不同的豆類菜色, 是不是話原來豆腐可以這樣做? 包括有蛋白豆腐, 腐皮豆角同埋豆皮青瓜. 一開始先來清清的菜色, 正好讓味蕾作好準備. 最喜歡中間的蛋白豆腐, 蛋白夠滑, 中間隱藏著豆腐, 夾埋一齊吃係相當清新. 腐皮豆角的醬汁甜甜的, 也幾特別. 青瓜切絲, 比較輕. 三個感覺都幾好.
脆脆BB豬 $45: 9分, 再一次要了這裡的招牌作, 脆脆BB豬. 人小, 就要了個頭盤份量好了. 只有四件, 正好一人一件. 放在正方形的碟上, 另跟一碟沙律, 讓你中和一下乳豬的油膩感覺. 乳豬燒得剛好, 肉質好嫩滑, 乳豬皮脆卜卜. 只係吃到一件, 不夠喉, 但又可以令人更加回味.
鮮菌翡翠苗 $68: 8分, 女士們揀了個菜, 應該的, 應該的, 係小弟先係叫碟碟肉. 這裡的翡翠苗係好鮮嫩, 加上鮮菌, 健康的一道菜. 不過係嫌炒得偏油.
雀籠點心 $128: 8分, 再一次要了個雀籠, 係八月花有吃過, 係粵江春也有, 這個雀籠看來也係美心集團的招牌菜之一. 不過好像吃了幾次的內容也不一樣, 也好, 帶來一定新鮮感. 是晚的雀籠入面有娥姐素粉菓, 甫魚滑燒賣, 斗門鮮蝦餃, 祖母砵仔糕, 特大鮮蝦露筍春卷同埋燕窩鮮奶蛋撻. 三個蒸的點心放係同一格, 都係大路的款式, 但也做得出色, 賣相也精緻. 蝦餃夠新鮮, 但皮偏厚. 燒賣不用鮑魚了, 成本問題? 特大鮮蝦露筍春卷繼續係最出色的一項點心, 炸得夠火候, 熱辣辣, 蝦有鮮味, 加上露筍, 減輕了那份油膩感. 燕窩鮮奶蛋撻已經凍了, 應該係做好了一段時間先拿出來, 鮮奶味也不太突出. 砵仔糕不太甜, 但放在這裡, 好像不太匹配. 記得之前的雀籠點心係比較矜貴, 但是晚的好像跟以前不太一樣了.
迷你桶仔飯 $18: 8分, 叫得太多食物了, 大家也吃不消. 本來打算先吃完一桶迷你桶仔飯後再加, 怎知大家都慢下來了. 這個飯有雞同蘑菇, 幾入味. 其實這個飯最適合兩口子一人一啖, 也係令一種浪漫.
太雕玻璃蝦球 $38 x 2: 9分, 要了兩客蝦球, 一對人一客. 原隻大虎蝦相當厚身大隻, 但肉質也好鮮甜. 底下的蛋白加上太雕, 淡淡然的太雕香, 不會太濃烈, 加上蛋夠滑, 整個菜係視覺同聽覺的享受, 唯一係嫌部份蝦肉稍為實了點.
火炎威士忌栗子紅棗煨牛仔膝 $108: 9分, 又一次要了這個火炎威士忌栗子紅棗煨牛仔膝, 名字夠長, 味道也幾複雜. 牛仔膝相當入味, 夠淋, 威士忌也係不算太濃烈, 但已經起到畫龍點睛的作用. 栗子吸滿了紅棗汁的味道, 也係不容錯過. 先吃太雕裁菜, 再吃威士忌菜, 中西合壁.
梳乎里乘三 $45: 8分, 乘三即係有三件細細的梳乎里, 分別係芒果, 朱古力同埋藍莓. 這裡的梳乎里質感係幾好的, 不過不夠香. 三種味道中, 以藍莓最好, 淡淡然的藍莓未很可人. 芒果味基本上係不太出到, 朱古力那個就比較甜. 不過$45能夠吃到三款梳乎里, 也係件好事.
最後要了個迷你版的巨形溫心朱古力餅. 店員放下件餅之後, 小弟拍好照, 發覺好像不太對路, 不知是否又迷你又巨形令到店方也跤糊塗了, 上臺的係原本足版的巨形溫心朱古力餅, 那名侍應的反應實在令人啼笑皆非, 不多講了, 總之最後小弟係沒有溫心朱古力吃好了.
這裡的服務水平係相當之低, 相對有好的食物和環境, 這樣子的服務也令人相當失望. 除了處理朱古力餅的問題外, 要人加茶沒有影, 態度也不太好. 坦白講, 係尚待努力的.
不過這裡的食物也令小弟心思思想再吃的, 希望下次再來有改善吧.
Post
