Video
Read full review
2023-07-10
276 views
Sun 7th Sept 2023 熱到hi hi 吓熱屎人，梗係行商場啦。仲要行有溜冰場嘅商場，仲要喺溜冰場隔離食嘢啊。真係涼浸浸。佢好易搵，向着溜冰場方向隔籬就係啦。佢側邊仲有個分開咗嘅角落頭位，好靜好適合傾密計、傾生意、傾分手….雖然係QR code落單，但係佢個Menu都做到非常之靚。好有觀賞價值。刀叉更碗筷黃白糖牙籤紙巾一應俱全。遊客就算唔知係乜，都仲有中文正體字說明。呢個餐食得睇得又打得。豬潤牛肉麵，豬潤爽滑火候啱啱好。滑蛋有水準，冇失望。厚多士最適合配砂糖咖喱魚飯。全部正常，咖喱BB輕微辣，釣到味。魚好厚肉，一定食到飽。炸得到好脆口。「馬來三叔公咖吔多士」，唔錯，幾貼近原味。鮮油份量少少哋適中，唔會搶咗咖吔嘅風頭，又唔會太肥漏。其他咖啡奶茶菜蜜好正常。
熱屎人，梗係行商場啦。仲要行有溜冰場嘅商場，仲要喺溜冰場隔離食嘢啊。真係涼浸浸。
佢好易搵，向着溜冰場方向隔籬就係啦。佢側邊仲有個分開咗嘅角落頭位，好靜好適合傾密計、傾生意、傾分手….
雖然係QR code落單，但係佢個Menu都做到非常之靚。好有觀賞價值。
刀叉更碗筷黃白糖牙籤紙巾一應俱全。遊客就算唔知係乜，都仲有中文正體字說明。
呢個餐食得睇得又打得。豬潤牛肉麵，豬潤爽滑火候啱啱好。滑蛋有水準，冇失望。
厚多士最適合配砂糖
咖喱魚飯。全部正常，咖喱BB輕微辣，釣到味。魚好厚肉，一定食到飽。炸得到好脆口。
「馬來三叔公咖吔多士」，唔錯，幾貼近原味。鮮油份量少少哋適中，唔會搶咗咖吔嘅風頭，又唔會太肥漏。
其他咖啡奶茶菜蜜好正常。
Post
