樂天皇朝 (將軍澳中心)

Open Now

Now Closed

一講起八色小籠包就知道係樂天皇朝嘅招牌菜，其實我係第一次食。不嬲都好鍾意食川滬菜，所以兩個人都嗌咗咁多嘢食餐廳係用點餐紙落單✨皇朝小籠包 $142想試晒咁多個味道嗌呢個就啱，由淡味開始食到濃味。原味>糟溜絲瓜>鵝肝>黑松露>芝士>蟹粉>蒜香>川味。個人最鍾意鵝肝、黑松露同川味。小籠包皮薄唔易穿，而且有完美褶紋，咬開裡面有鮮甜湯汁流出除咗賣相靚之外，味道都好好✨四川辣子雞丁 $108平時食辣子雞係有骨又碎濕濕，但呢度係無骨雞丁，炸得乾身唔油膩花椒辣椒香味十足，辣度係大部分人都接受到嘅小辣。✨蟹粉餡餅 $68餡餅煎得表面帶點酥脆，肉餡充滿肉汁，蟹粉鮮味。✨上海炒飯 $95睇顔色就知係傳統嘅上海醬油炒飯，珍珠米飯炒得粒粉分明有鑊氣✨上海炒年糕 $93年糕大片口感軟糯煙韌，嚼勁十足唔黏牙。配料有肉絲、黃芽白同冬菇絲，只加醬油一齊炒，簡單但好味。總括嚟講食物質素好高，選擇多而且價錢合理。餐廳座位闊落坐得舒服，適合同朋友或屋企人一齊嚟，下次會再嚟幫襯。