樂心冰室

Open Now

Now Closed

無啦啦打八號。。真係估佢唔到。。屋企雪櫃咩都冇，唯有落街食早餐啦。打風關係條街冇咩人，連平時食開ge茶記都冇開，行下行下見到呢間茶餐廳有開咁就試下啦。其實佢早餐得一款，义燒同火腿，咁我當然揀义燒啦，再配搭湯意粉。個餐仲有牛油厚多士同鮮奶炒滑蛋。落完單五分鐘都唔夠就有野食，果然係茶記。炒滑蛋好普通，同大快活個d好似。厚多士唔係好厚身，唔明點解會叫厚多士。。XD佢地標榜义燒係即焗，唔知係咪打風關係，感覺d义燒唔太新鮮，但味道係比一般茶記好ge。成個早餐三十六蚊，ok啦。