海南雞公主 (Closed)

週六為家人充當柴可夫於上環買海味，泊咗喺街邊等待時，居然俾小肥發現咗間門面極出眾o既「海南雞公主」。眼見午餐要等大肥收工後成兩點先有得食，所以就走咗入去八八。原來小店由泰國公主Maya小姐開設，女主人咁標緻，當然亦要用上自己個靚樣作生招牌啦，起碼第一個已吸引到XO仔望多兩眼！餐店主要做外賣，但室內都有六至八個拍窗及拍牆o既散座。四周用上花朵及蝴蝶裝飾，女性化得黎流露著大自然氣息。兩邊牆身都可見到螢光幕餐牌。如有需要亦可向美少女姐姐索取餐牌。落單只需填寫點菜紙，簡單易明。公主海南雞飯（$62）：海南雞飯套餐以四格便當盒上，左上角起逆時針分方向分別為自選黃金雞油飯、公主海南雞、公主沙律及甜品，簡潔衛生。每客海南雞飯均配備筷子同膠羮，並可免費從三款醬汁中揀選兩款。細佬就揀咗微辣酸甜o既海南雞醬同香濃惹味o既薑蔥醬。公主沙律以生菜墊底，拌上柚絲更覺清新醒胃。公主海南雞皮光肉滑，雞皮上一條雞毛都唔見，食得極為安心。已去骨o既雞肉軟腍幼嫩，公主級果然有料到！雞油飯猶如其名般金黃鮮美，飯粒軟熟潤澤，連同點上海南雞醬o既公主海南雞食，確真可口美味。甜品椰汁大菜糕上層雪白、下層半透光，微甜香滑富彈性，輕