川婆婆麻辣燙 (Closed)

衣間川婆婆已經食過好幾次了，d麻辣味真係會上癮的，得閒響公司食晏都會叫返黎食，皆因衣間係冇堂食的。不過原來發覺唔同分店係唔同價錢，衣間3餸+麵$37,筲箕灣果間只係$32，可能係旺區。味道好麻好好味，不過間唔中食就可以，因為都幾油。本人認為一碗份量足夠的，有同事唔夠喉就叫左加底+$6，麻辣魚蛋就麻麻地喇，樣子黑麻麻，好似燶左咁，比其他店明顯細粒添。今日外面太大雨了叫左外賣送到公司，都唔算耐，只係等左30分鐘左右。