Video
Read full review
2008-11-06
3 views
想係公司附近搵間食法國野既, 最後睇到openrice既人寫呢間好, 重點係Creme Brulee好味, 所以就揀左呢間!從訂位開始, 對方態度都好好, 因為同事有事要攸 , 所以即日再次更改時間都無問題.我自己早到10分鐘, 佢張檯已經準備好, 放埋牛油上檯.d位有少少窄, 不過環境唔錯, 裝修都好靚, 燈光有d暗, 都算舒適.午餐有3個set:Spaghetti Lunch Set $98 ---可選擇: spaghetti, 配料, 汁配: 沙律, 指定甜品&咖啡/茶Lunch Set $88 ---可選擇: 湯, 主菜配: 沙律, 指定甜品&咖啡/茶Executive Lunch Set $188 ---可選擇: 沙律, 湯, 主菜, 甜品配: Cappucino/Herb Tea/Juice最後我地全部揀Executive Lunch Set, 因為得呢個餐可以食到Creme Brulee! 哈哈!!!一開始食既法國麵包已經不負我地所望!外脆內軟, 少少暖, d牛油剛剛好, 唔會凍到搽唔到, 亦唔會溶我超細食但都食左一塊半麵包! ^^"沙律有4款選擇, 個名唔同, 但似乎所
從訂位開始, 對方態度都好好, 因為同事有事要攸 , 所以即日再次更改時間都無問題.
我自己早到10分鐘, 佢張檯已經準備好, 放埋牛油上檯.
d位有少少窄, 不過環境唔錯, 裝修都好靚, 燈光有d暗, 都算舒適.
午餐有3個set:
Spaghetti Lunch Set $98 ---
可選擇: spaghetti, 配料, 汁
配: 沙律, 指定甜品&咖啡/茶
Lunch Set $88 ---
可選擇: 湯, 主菜
配: 沙律, 指定甜品&咖啡/茶
Executive Lunch Set $188 ---
可選擇: 沙律, 湯, 主菜, 甜品
配: Cappucino/Herb Tea/Juice
最後我地全部揀Executive Lunch Set, 因為得呢個餐可以食到Creme Brulee! 哈哈!!!
一開始食既法國麵包已經不負我地所望!
外脆內軟, 少少暖, d牛油剛剛好, 唔會凍到搽唔到, 亦唔會溶
我超細食但都食左一塊半麵包! ^^"
沙律有4款選擇, 個名唔同, 但似乎所有配料一樣
例如Caeser Salad with Smoked Salmon同Chicken Salad都係用同一類既沙律菜
不過的確幾好味, 份量都唔細
湯有是日餐湯同Shrimp Bisque with Crab Roe (鮮蝦蟹籽湯)
我選擇後者, 唔會好creamy, 但味道剛好, 而且有蟹籽一粒粒係湯入面, 好得意!
主菜我選擇Grilled Rib Beef 6成熟
雖然最終發現應該有7-8成熟, 而且有少少「un」, 不過不過不失, 肉質幾新鮮, 配個種汁都好襯
仲有唔少配菜, e.g. 薯條, 紅蘿蔔, 菜
(p.s. 薯條d味好得意, 唔似平時fish & chips個種味, 係重味d既~)
當然到最後「我既主菜」----- CREME BRULEE!!!
細細個既甜品, 2塊細細既士多啤梨放中間, 下面就係啡色既焦糖, 一拎黎已經見到好靚!
之後發現個焦糖原來幾厚身, 仲係幾硬下, 一叉落去碎左d就可以食喇~
嘩~真係好好味!
睇得出佢係好用心機個種製法, 即係應該用火槍燒出黎既!
下面既燉蛋一樣咁好味, 唔太甜 (因為上面層焦糖已經好甜), 好滑, 我已經飽, 不過成個食晒!
而且佢地既服務態度都好好, 我地total 6個人, 要既野當然唔同, 但佢可以每次拎野食黎都記得晒邊個要邊樣, 而且上餐速度適中, 一食完就即上下一樣.
我地不時有同事想要pepper, 佢真係次次都拎支大野黎磨俾我地!
再加佢拎黎既野食, 樣樣都放得好靚, 有晒design既, 真係有心機!
(當然, 係蘇豪區唔有d心機, 應該都做唔長喇... ^^")
唯一缺點就係有d嘈.
可能因為我地坐係其中一個booth位, 隔離張檯幾個大男人講野好大聲, 同埋lunch hour, 好難要求個個都靜靜地既... ^^"
總括黎講的確係唔錯, 雖然係貴左d, 但so far係我食咁多間高級餐廳黎講, 可以俾到95分既!
我一定會再去!!!
Post
