百好咖啡餅店 (Closed)

近年唔少新開嘅茶餐廳都刻意走懷舊風, 裝修擺設復古, 模仿老香港茶記。不過如果想體驗真正嘅舊式茶餐廳就要嚟下呢間位於西灣河嘅百好㗎啡餅店啦。呢度由六十年代開業至今仍然保留原有裝修, 一枱一凳都見證香港歷史, 難怪連電影《大茶飯》都要喺度取景。下午茶時間, 環顧四周, 光顧嘅似乎都係街坊街里。伙記推介雞翼雙腸米, 就試試吧。雞翼雙腸米 $42雞翼煎得都幾香口, 雙腸就同預期一樣很重口味。呢度嘅食物就普普通通啦, 但整個環境的確保存得不錯 , 體驗一次亦無防。