Video
Read full review
2009-10-14
18 views
女朋友係紅十字會捐血,得到富豪自助餐折扣券。剛好女朋友生日,所以我地就去左食自助餐兼慶祝生日。佢地六點半就可以入座食到九點半,都只係收一個價錢,一晚做一轉客人,可以慢慢食。我地遲左入埸七點半先入座,都有7,8成入座率。大家可以慢慢食,因為野食都不停refill, 就算蟹腳呢d冷盤都refill過兩三次。野食方面,款式唔算係千變萬化,冷盤,熱食,甜點,湯都有,不過選擇唔多。先來冷盤,有沙律,凍蝦,凍蟹腳,螺,青口,呢d都唔錯。最鐘意食蟹腳,好味,不過女朋友話好咸。另外螺都好好食,唔靭。梅子石榴好好味,好重梅子味,無晒石榴味。皮蛋豆腐都唔錯,豆腐好滑。仲有日式野,冷面,三文魚刺身,壽司之類,三文魚刺身幾好味,我地都有翻兜,冷面就普通啦,d湯好咸呀!!再嚟就食熱野啦,好多都係中式同東南亞菜,食左太多,講唔曬,記得既有燒味(諗住普通野,試少少,不過咬幾啖义燒覺得水準唔錯)滷味墨魚(腍,普通)咖喱羊肉(好食,不過好少肉,羊肉唔羶)印度炒飯(d米唔同平時食果d,比較乾身,硬同長,個飯無餸,用嚟伴咖喱)冬陰功(唔太辣,少少酸,幾開胃)燒牛肉(望落真係幾靚,可能咁岩我果舊切得唔好,唔好食)桂花翅炒蛋(
剛好女朋友生日,所以我地就去左食自助餐兼慶祝生日。
佢地六點半就可以入座食到九點半,都只係收一個價錢,一晚做一轉客人,可以慢慢食。我地遲左入埸七點半先入座,都有7,8成入座率。大家可以慢慢食,因為野食都不停refill, 就算蟹腳呢d冷盤都refill過兩三次。
野食方面,款式唔算係千變萬化,冷盤,熱食,甜點,湯都有,不過選擇唔多。
先來冷盤,有沙律,凍蝦,凍蟹腳,螺,青口,呢d都唔錯。最鐘意食蟹腳,好味,不過女朋友話好咸。另外螺都好好食,唔靭。梅子石榴好好味,好重梅子味,無晒石榴味。皮蛋豆腐都唔錯,豆腐好滑。仲有日式野,冷面,三文魚刺身,壽司之類,三文魚刺身幾好味,我地都有翻兜,冷面就普通啦,d湯好咸呀!!
再嚟就食熱野啦,好多都係中式同東南亞菜,食左太多,講唔曬,記得既有
燒味(諗住普通野,試少少,不過咬幾啖义燒覺得水準唔錯)
滷味墨魚(腍,普通)
咖喱羊肉(好食,不過好少肉,羊肉唔羶)
印度炒飯(d米唔同平時食果d,比較乾身,硬同長,個飯無餸,用嚟伴咖喱)
冬陰功(唔太辣,少少酸,幾開胃)
燒牛肉(望落真係幾靚,可能咁岩我果舊切得唔好,唔好食)
桂花翅炒蛋(炒蛋幾滑,係咪真翅就唔知)
浸莧菜(太腍,唔好味,一pat野咁)
wasabi焗蠔(細隻,個人不愛好芥末,但仍然嚐試,但撥走晒,仍然好嗆鼻,最後放棄了)
其他都唔錯,不過無乜驚喜,無咩好翻兜。
之後就嚟dessert 啦
我地試曬雪櫃所有甜品同生果,蛋糕同雪糕就無乜點食啦,食唔落兼佢9點半已經差唔多完。
太多甜品,多到食左咩都唔記得啦,不過布甸類既野都幾好食,涼粉都幾好味,沒想到酒店自助餐都有涼粉食。椰香蛋糕超甜,食左一兩啖就頂唔順。豆腐花ok,不太好滑,薑汁底。
用折扣既價錢去評呢一餐都叫可以,野食唔太多選擇,不過味道還可以。侍應都幾好,好細心,見我地烘面包唔識用烘爐,就主動幫手,又幫我地搵個火機點蠟燭,唔該曬~~有咖啡茶任飲,可以叫侍應幫你沖。
Post
