Video
Read full review
2022-04-19
105 views
相信而家嘅麵包舖已經多到自己一個都冇能力去試晒，所以就揀咗呢間比較特別嘅鋪頭試一試，去到已經呆咗，好多人排緊隊，但佢哋排嘅就係近排勁Hit嘅布甸麵包，但原來呢一度仲有一款tiramisu布甸麵包，唔怪得咁多人嚟朝聖，但我就唔係好鍾意tiramisu既味，所以就唔洗排隊，其他款嘅麵包可以直接入去買😆😆呢間麵包舖嘅特別之處就係佢成個格局好似精品店咁，將每一個嘅麵包打造到好精緻，獨立包裝之餘佢哋仲好用心寫上每個麵包嘅名同埋入邊嘅餡料，搞到你會自自然然咁停留咗喺度參觀咁😌唔講咁多，睇下今次買左啲咩先😌😌一個🥯抹茶紅豆麻薯貝果，🍩三色冬甩(開心果味,朱古力味同埋杏仁白朱古力),😋麻薯包(芝麻味,朱古力味同埋紫薯味)🥯佢個bagel真係好重抹茶嘅味，香味濃郁，裏面仲有滿滿嘅紅豆同麻薯，味道真係好夾，外面同裏面都好煙韌，包既口感唔錯又足料😋😋🍩雖然呢度冬甩比較普通同埋mini版，但都鬆軟，開心果味唔係度度都有，配冬甩又唔錯，但不足嘅就係佢上面嘅配料同個冬甩係分離嘅，口感唔一致🤔佢一袋麻薯包裏面有三個，其中一個長條型比較特別嘅就係紫薯味，原來佢裏面都有餡料嫁，有驚喜，紫薯個味都好濃，其餘兩個同出邊嘅差
呢間麵包舖嘅特別之處就係佢成個格局好似精品店咁，將每一個嘅麵包打造到好精緻，獨立包裝之餘佢哋仲好用心寫上每個麵包嘅名同埋入邊嘅餡料，搞到你會自自然然咁停留咗喺度參觀咁😌
唔講咁多，睇下今次買左啲咩先😌😌一個🥯抹茶紅豆麻薯貝果，🍩三色冬甩(開心果味,朱古力味同埋杏仁白朱古力),😋麻薯包(芝麻味,朱古力味同埋紫薯味)
🥯佢個bagel真係好重抹茶嘅味，香味濃郁，裏面仲有滿滿嘅紅豆同麻薯，味道真係好夾，外面同裏面都好煙韌，包既口感唔錯又足料😋😋
🍩雖然呢度冬甩比較普通同埋mini版，但都鬆軟，開心果味唔係度度都有，配冬甩又唔錯，但不足嘅就係佢上面嘅配料同個冬甩係分離嘅，口感唔一致🤔
佢一袋麻薯包裏面有三個，其中一個長條型比較特別嘅就係紫薯味，原來佢裏面都有餡料嫁，有驚喜，紫薯個味都好濃，其餘兩個同出邊嘅差唔多，但佢煙韌度整得唔錯，裏面亦都豐富，唔似得空氣👍🏻
無論係布甸包又好其他嘅包類都好，佢哋都係好用心做，每一款都有佢嘅特別之處，味道都不錯，一定要嚟試吓啦🤣🤣
Post
