見見面 (Closed)

上星期去咗一啲社交平台 group推介嘅酸菜魚，入到去都舒服嘅，冷氣就有啲凍啦，叫咗幾個餸，食落發覺其他餸好食過酸菜魚。炒花菜每一條個花菜邊有少少燶燶地，夠鑊氣，其他地方都好少食到。回鍋肉每塊肉都好大片，亦都唔會太乾，有水準。萵筍炒臘肉每塊萵筍唔係炒到林晒過熟，咬落去仲係爽口嘅，D臘肉味都好出下。可能之前啲餸太好食，到最後酸菜魚上嚟嗰時發覺酸菜湯就比較冇咁突出，啲桂花魚係好食。仲有兩個前菜係涼粉同埋夫妻肺片，食得太快唔記得咗影。全張單食咗六百幾蚊三個人，如果我下次再去嘅話可能唔會叫魚，可以試吓其他小炒。