Video
Read full review
2009-09-01
10 views
佢啱啱開舖時唻食過午餐同晚餐, 試過佢o既雪菜湯年糕, 餃子拉麵, 回鍋肉抄年糕, 小籠包, 綿花糖白免仔... 都幾好味, 招呼幾好, 價錢合理, 食完都好滿足. 幾個月冇去, 上星期與同事再去食lunch, 發覺完全變晒質...我叫咗餃子拉麵 ($28), 同事叫咗套餐B - 雲吞米線($25) --- 話就話叫做套餐, 但其實只得一碗麵, 如要熱奶茶, 熱咖啡(只有呢兩款飲品選擇)都要加錢... 而呢間上海舖竟然連豆漿都冇賣!!! 我哋仲叫咗一客小籠包.我碗餃子拉麵足足等咗20分鐘先上枱, 而當時我同事碗雲吞米線已食完... 麵的份量多得驚人, 本來我等咗咁耐先有嘢食係好肚餓, 但我點都食唔晒, 食剩咗三份一; 餃子/ 雲吞材料同味道完全一樣, 分別只係雲吞皮薄d, 水餃皮厚d, 同包法唔同, 又細細粒, 仲每碗得嗰4粒, 到喉唔到肺咁. 湯好淡, 淡到食唔到係用咗咩唻煲; 我哋同店裡一個員工提意見麵太多, 食唔晒好浪費, 如果減d份量但俾多一粒水餃/雲吞, 會好好多, 個員工竟然話: "好多客都有咁o既提議, 但做廚o嗰d人全都係老闆, 佢哋都堅持不變."食完兩碗麵, 小
我叫咗餃子拉麵 ($28), 同事叫咗套餐B - 雲吞米線($25) --- 話就話叫做套餐, 但其實只得一碗麵, 如要熱奶茶, 熱咖啡(只有呢兩款飲品選擇)都要加錢... 而呢間上海舖竟然連豆漿都冇賣!!! 我哋仲叫咗一客小籠包.
我碗餃子拉麵足足等咗20分鐘先上枱, 而當時我同事碗雲吞米線已食完... 麵的份量多得驚人, 本來我等咗咁耐先有嘢食係好肚餓, 但我點都食唔晒, 食剩咗三份一; 餃子/ 雲吞材料同味道完全一樣, 分別只係雲吞皮薄d, 水餃皮厚d, 同包法唔同, 又細細粒, 仲每碗得嗰4粒, 到喉唔到肺咁. 湯好淡, 淡到食唔到係用咗咩唻煲; 我哋同店裡一個員工提意見麵太多, 食唔晒好浪費, 如果減d份量但俾多一粒水餃/雲吞, 會好好多, 個員工竟然話: "好多客都有咁o既提議, 但做廚o嗰d人全都係老闆, 佢哋都堅持不變."
食完兩碗麵, 小籠包仲未上枱, 一問之下原來係漏咗單!!!
最最最大問題係成間舖充斥住一陣"地拖味", 咸咸臭臭咁, 本來我一入間舖發覺有陣臭味都想走, 但同事話其他食肆好難搵位, 是但啦... 咁就留低咗, 真係好後悔.
其實今次食佢o既麵條都依然覺得不錯, 每條oo既粗幼都有唔同, 似係人手拉出唻, 好香麵粉味, 質感都好好, 哎,可惜只得麵條做得好係絶對唔夠... 真係好失望, 冇下次....
Post