緣屋 札幌元袓蝦湯拉麵 (信德中心)

Open Now

Now Closed

又到午飯時間，近期喺公司做到呢，所以今日同個同事出去行下，食個靚飯。都有一排無食過拉麵，所以今日去左上環信德呢間新開嘅拉麵店。每次 Lunch time 經過都幾多人排隊，但既然今日唔想太早返到公司就即管排下。呢間個招牌係蝦湯底，所以我就叫左呢個。先講下個湯底，佢係濃味嘅，不過唔係蝦嘅鮮味。我諗佢應該係有熬個湯底，再加味精 (因為食完都幾頸渴)。啲蝦味係喺佢另加嘅櫻花蝦乾度黎。所以，我都唔知佢算唔算係真係蝦湯底。麵底都係普通，有啲似平時超市買到嗰種。嗰半粒蛋同嗰一塊叉燒都普通，兩樣都唔係好夠味。個同事怕唔夠飽(其實我覺得 Ok)，仲叫多左個白飯，因為佢好奇怪地無得加麵。整體黎講，作為一個返工 lunch time 求其揾野食都算 ok, 不過如果鐘意食拉麵嘅話就可能覺得唔夠好。