baby café (Closed)

今次係我地第二次吃，上一次覺得好好味又低吃所以專程黎多次。星期六晚我地八點半去到爆嗮位，所以在附近兜到九點先翻去坐低。望下menu發現無左之前好低吃既單點配搭，宜家限制吃主菜先有得加錢配，變相加價。我地叫左 夏威夷薄餅、煙三文魚柚子沙律、燒豬肋排（主菜 加配 細沙律同飲品）、熱帶水果冰紅茶 同 凍杏仁豆腐咖啡。✅煙三文魚柚子沙律 $54：三文魚半生熟好正，柚子沙律好清新特別，魚同菜既份量合理。但呢款菜已經無得跟餐。✅夏威夷薄餅 $58：好鍾意佢薄低既口感！菠蘿唔係罐頭果種冧冧地既質感，好似係鳳梨，好滿意！👌🏻燒豬肋排 $8x：轉餐牌之後先出現，無影相所以唔記得幾多錢。味道雖然唔差但以果個價錢唔算低。✅熱帶水果冰紅茶 $38：平常見到既水果茶，幾好飲，呢個價錢差唔多。❌凍杏仁豆腐咖啡 $36：淨係飲到甜味同輕微咖啡味，完全無特別。🏠在外圍坐得舒服，因為過左晚飯時間所以少人。但我地仲有餸未吃啲職員就趕收工收埋啲餐具，結果要自己出去拿。