Video
Read full review
2017-12-19
59 views
今日喺黃金辦完貨，心情無比咁空虛，唔想再毒L式地去麥記譚仔解決，經過見到呢間餐廳入面咁多情侶，就決定一個人入去自虐一番，間餐廳喺正眾所9知既維記豬潤麵隔離，要嚟番兜都相當易認。這些機會..嗌咗個芝士焗青花龍蝦併M7澳洲150g和牛套餐，無幾耐就送上咗餐湯同埋餐包，呢度既餐包竟然係牛角包，個牛角包上枱嘅時候都仲係熱既，外層仲保持住少少既酥脆，咬落充斥住牛油既香味；餐湯係甘筍薯仔湯，溫提熱到有啲辣口，可以攤凍啲先飲，個湯散發著淡淡嘅甘筍同埋薯仔味，如果能夠再濃一啲相信會更加好；經過餐湯同埋餐包既溫熱，經已令到毒L的心極度溫暖。套餐加32蚊可以揀兩個小食，我揀咗吉列忌廉薯餅同台式黑椒腸；吉列忌廉薯餅炸到脆卜卜，脆漿唔會話蘸得太厚，忌廉同埋薯仔既味道相當平衡，內層口感軟糯，好味；台式黑椒腸就相當正宗，同喺台灣夜市食到嘅一樣，薄薄嘅腸衣被烘烤後爆卜既口感，襯埋裏面黑椒嘅香味同埋肥豬肉嘅豐腴，一絕。芝士焗青花龍蝦併M7澳洲150g和牛，隻龍蝦有成隻手板咁大，龍蝦肉口感彈牙，芝士嘅焦香同龍蝦融為一體，非常可口；M7澳洲和牛充滿牛味，油脂豐富，令人相當滿足，點一點隨附既燒汁，嗰隻焦香又係另一個食法；牛
今日喺黃金辦完貨，心情無比咁空虛，唔想再毒L式地去麥記譚仔解決，經過見到呢間餐廳入面咁多情侶，就決定一個人入去自虐一番，間餐廳喺正眾所9知既維記豬潤麵隔離，要嚟番兜都相當易認。
這些機會..
嗌咗個芝士焗青花龍蝦併M7澳洲150g和牛套餐，無幾耐就送上咗餐湯同埋餐包，呢度既餐包竟然係牛角包，個牛角包上枱嘅時候都仲係熱既，外層仲保持住少少既酥脆，咬落充斥住牛油既香味；餐湯係甘筍薯仔湯，溫提熱到有啲辣口，可以攤凍啲先飲，個湯散發著淡淡嘅甘筍同埋薯仔味，如果能夠再濃一啲相信會更加好；經過餐湯同埋餐包既溫熱，經已令到毒L的心極度溫暖。
套餐加32蚊可以揀兩個小食，我揀咗吉列忌廉薯餅同台式黑椒腸；吉列忌廉薯餅炸到脆卜卜，脆漿唔會話蘸得太厚，忌廉同埋薯仔既味道相當平衡，內層口感軟糯，好味；台式黑椒腸就相當正宗，同喺台灣夜市食到嘅一樣，薄薄嘅腸衣被烘烤後爆卜既口感，襯埋裏面黑椒嘅香味同埋肥豬肉嘅豐腴，一絕。
芝士焗青花龍蝦併M7澳洲150g和牛，隻龍蝦有成隻手板咁大，龍蝦肉口感彈牙，芝士嘅焦香同龍蝦融為一體，非常可口；M7澳洲和牛充滿牛味，油脂豐富，令人相當滿足，點一點隨附既燒汁，嗰隻焦香又係另一個食法；牛扒底下嘅係蕃薯條，並無因為放咗喺底下而淋pat pat；配菜方面仲有沙律菜同埋火龍果，食牛扒有火龍果做配菜，感覺相當特別。
Post
