Bigger Burger Cafe (Closed)

假日的午飯。2019年1月1日的第一餐飯, 唔想食茶記, 食好少少嘅選擇。時間已經過咗2pm, 仍然希望食一份飽飽嘅 lunch。Big Burger 經常路經, 環境睇落唔錯, 食物照片拍得非常吸引, 但由於價錢略高, 一直都未有機會幫襯。今次適逢假日, 決定慷慨地大膽一試。Order 兩份全日套餐, <餐湯> 係蜆肉海鮮甘筍忌廉湯, 好好味。1. <經典優質安格斯牛肉堡配自家製薯條> 漢堡牛肉鮮嫩好味, 麵包高大實淨, 番茄蔬菜新鮮, 薯條粗大香口。非常美式, 賣相吸引, 可以話係有姿勢又有實際。2. <香煎優質雞腿扒伴燒汁白飯及沙律> 其實飯、沙律、雞扒、燒汁, 每樣嘢都ok好味, 但價錢略貴。客人付得起呢個價錢, 期望自然會高啲。呢個雞扒飯嘅用料、賣相、味道, 其實只係去到茶餐廳嘅水平。覺得唔太抵食。<餐飲> 除咗熱檸水及熱檸茶外, 其他飲品都需要升級價錢 所以我哋只飲熱檸茶算數。味道ok啦。需要加一服務費。