第三站

記得之前同女朋友去親旺角嘅樓上coffee shop 都好有水準，今日同女朋友喺旺角行完街，就上左呢間叫Station3 cafe嘅餐廳啦！入面嘅裝修以白色為主，無論沙發同牆身都係。餐廳亦都提供多款board game，環境寬敞，嫌嘈嘅話佢哋亦都有私人房間，所以多人gathering最適合不過。另外，餐廳非常環保，佢哋用類似落地玻璃嘅窗，即使冇開燈，佢哋嘅光線都好充足。餐廳亦好細心，提供以下依個裝置，讓客人更加容易叫侍應落單或者埋單，我哋坐嗰個位係死角位，如果冇呢個裝置，我諗我哋有排都叫唔到物食講返食物先，我哋總共叫咗兩個lunch set同兩款小食。第一款係黑松露鮮菌燴意大利飯，第一個印象就係黑松露味太香！另外意大利飯軟硬度適中，亦唔會太多汁變咗湯飯咁。Topping有少量疏菜，增加囗感。第二款主菜係煙三文魚野菌忌廉燴意粉，煙三文魚砌成玫瑰花嘅形狀，賣相相當吸引。另外， 意粉有Al dante既口感，醬汁好濃郁，份量足夠。兩款小食分別係墨西哥香草肉丸同日式餃子。肉丸方面，餐廳採用貢丸，加上獨特嘅醬汁，味道酸酸辣辣，幾開胃。日式餃子炸得幾脆，加上少量嘅沙律醬同紫菜，更加有日本嘅風味。兩