What The Food Cafe (Closed)

從不起眼的偏僻工廈有間精緻cafe。餐牌如下，小小廚房做到咁多款式。注意，有加一。鰻魚蛋包飯有誠意，大塊鰻魚大碟蛋。不過蛋炒得有d水，軟得濟。麻油好濃。白飯另外用鰻魚汁炒過，做得幾細緻。Beef willington形狀好似菠蘿包，酥皮好脆，涵好足料，有菌醬。不過就因為太脆，一切就皮肉分離。牛柳亦熟左d，well done，而且唔夠香，野菌醬味都唔夠出。配菜薯角好脆口，好過自己整同M記。沙律同醬汁有誠意。要重質不重量，食物可以更進一步，雖然會整Beef Willington既cafe唔多。另外餐具亦好影響餐桌體驗，WTF cafe用膠碟多，刀又唔夠利。不過環境裝修加分不少。下次會再黎，因為好多款未試，而且好多甜品好似好吸引。