孖啡 (Closed)

跟舊同事聚舊，暢談大家近況，於是挑選了一間樓上咖啡室。孖啡的裝修，望落便知一間典型樓上咖啡室，梳化位，長餐桌位，符合三五知己小聚。今日安排了近窗邊的梳化位，如有點餐或其他需要，可按牆上掛鈴。餐單尚算多款，今晚點了一個天使麵，一個意粉及一個小食。飲品其中一款比較特別 - 塔羅特飲可以試下。龍蝦汁海鮮天使麵 $126 材料有青口，魷魚，蝦，幼嫩天使麵配上龍蝦汁，非常入味。軟殼蟹黑松露意大利粉 $142 原隻原殼蟹，炸得可口，濃郁黑松露味的意粉，配上雜菇，好味。蒜香雞翼 $52 一碟有6隻，煎得香口，必點。跟餐可點$38以下飲品，$38以上只補差價。Earl Grey 原壺送上，月亮是荔枝，菠蘿鮮打沙冰，送上時已聞到荔枝味。