鴻福堂 (Closed)

今日口痕，附近有冇咩小食店，經過鴻福堂就買幾粒燒賣食見到呢款淮山豬肉燒賣，好似幾特別又好似健康啲，咁就叫咗啦一打開個盒，燒賣都幾大粒，不過只係得六粒，一啖咬落去，佢係冇平時食豬肉燒賣個種油膩，所以豬肉亦都偏瘦，所以都好實，但係食唔到爽口淮山或者粉淮山嘅感覺，可能佢蒸得太耐（或者蒸完焗得太耐）所以食唔到，但係菇一定有嘅，都帶出少少香味值得一題係佢配嘅係杞子豉油，搞到成件事你食嘅時候好似健康咗，但係食完又會懷疑究竟入邊有冇呢啲健康或者有幾多？