漁民麵館 (Closed)

平時食咁多熱氣野，又煎又炸，今次一於食返啲養生嘅嘢食。呢間漁民麵館以海參、花膠等海產作主題，店中不少美食都係用呢兩種食材架。海參撈麵雖然都係撈麵,但今次主角由雲吞變成海參,成個格調即刻唔同晒！海參口感煙煙韌韌，紅配上嘅鮑魚汁味道非常夾。除咗海參，仲有加上淡味醬汁嘅冬菇同少許菜心，整個撈麵味道並唔單調。撈麵雖然已經有好多，但仍然好食到覺得唔夠喉。海參撈麵仲會有個湯，味道都幾清，食完酸辣野用嚟清清腸胃就最啱啦。涼拌青瓜拼花膠相對韓式撈麵來講，呢個小食會比較刺激。整碟青瓜都浸係酸辣汁裏面，所以味道會比較酸辣刺激。食完海參撈麵再食呢個酸辣青瓜，筆者覺得味道都會比較唔夾，想食清淡d 就唔好食呢個小食喇。