曾三仙米綫 (花園街)

Open Now

Now Closed

臨近新年，我哋去花墟睇下年花，行到又攰又餓，就喺花園街搵間餐廳坐低食嘢，見到呢間曾三米線好似幾特別，一於坐低試吓😌百香茉莉茶 🍹茉莉茶夠晒清香，而且唔會好甜，飲落去清新解辣生椰拿鐵 🥥☕️香濃椰子同咖啡味，飲落去香濃順滑滋補三仙米線 🍲 入面有木耳、鵪鶉蛋、餐肉、竹笙、蕃茄、豬肝、肉絲、蟲草花，配料勁多！其中奴才爸就大讚豬肝同肉絲超正，豬肝爽滑夠潤味，肉絲腍滑入味🤤湯底都好好飲，飲落唔會好重藥材味，真係一碗暖心嘅米線酸湯蝦滑米線 🍜湯底酸酸地微辣，夠晒開胃，飲落有少少似冬陰功湯，仲附有酸粉同辣椒粉，如果覺得唔夠味可以自己加味🙌🏻米線夠晒滑溜，蝦滑食得出冇加粉，軟滑彈牙鍋巴土豆 🥔✨ 外面包裹住醬汁，甜甜地微辣，有少少似泰式辣醬，炸得香脆，薯仔軟糯牛肉餡餅 🐂同樣餡餅外面煎得香脆，牛肉餡料有肉汁，咬落去好滋味，真係唔錯糍粑油條 🍡 呢款小食好特別，之前未見過，係油炸鬼包裹住煙靭麻糬，上面仲加咗糖同黑芝麻碎，有少少似糖不甩嘅感覺潮汕牛丸 🐂聽店員講佢哋嘅牛丸係嚟自潮汕，食落彈牙而且咬落仲有少少肉汁，真係正宗三仙冰粉涼蝦 🍧 都幾多配料㗎，有爆珠粒粒、提子乾同椰果粒粒等，食落去清新又有