Video
Read full review
2024-02-17
282 views
尋晚冇 book 枱，直接 Walk in 入去食，侍應帶咗我哋坐之後就冇理過我哋， 連餐牌都冇俾要自己去隔離啲吉枱度拎。落完單之後等咗接近 30 分鐘都未有嘢食，連湯底都未上，跟住上湯底又上錯！同個侍應講之後隔咗好耐都未換返個湯底，第一個話入廚房跟，之後隔咗好耐都未有，跟住第二個走過來又問我哋要乜嘢湯底，答完佢之後，轉個頭又有另一個侍應走埋嚟話依家即刻幫我哋跟，冇耐又有第四個侍應走埋嚟問我哋乜嘢湯底，真係超級躁底囉！我哋已經寫晒紙落單唔睇就走去問，最過份係啲侍應走埋嚟問完之後，我哋睇住佢行到出走廊同人講完兩句嘢之後就唔記得咗... 幾個侍應喺部點餐機嘅前面圍埋喺度傾偈唔知做乜... 之後我哋啲海鮮上晒枱，個鍋底都仲要等咗一陣先至上到枱...其實食嘢嘅途中，發現隔籬枱又壞電磁爐... 侍應啲態度又麻麻地，後面枱都有吹佢哋幾時有嘢食... 咁即係根本就係間餐廳啲人有問題！ 我哋途中加咗一碟牛小排... 都要三催四請先至上菜，擺明啲侍應就唔記得咗... 我哋食嘢途中隔籬枱埋單， 個侍應先至話冇得用信用卡俾錢，因為壞機... 其實我覺得如果好啲嘅餐廳應該入座之前要同啲客講，而家邊有啲食肆仲要
其實食嘢嘅途中，發現隔籬枱又壞電磁爐... 侍應啲態度又麻麻地，後面枱都有吹佢哋幾時有嘢食... 咁即係根本就係間餐廳啲人有問題！ 我哋途中加咗一碟牛小排... 都要三催四請先至上菜，擺明啲侍應就唔記得咗...
我哋食嘢途中隔籬枱埋單， 個侍應先至話冇得用信用卡俾錢，因為壞機... 其實我覺得如果好啲嘅餐廳應該入座之前要同啲客講，而家邊有啲食肆仲要只收現金，你估個個都帶咁多 cash 出街咩？ 呢樣都算... 隔籬枱埋單嘅時候啲侍應竟然唔知道枱號... 話太遠睇唔清楚枱號仲要問返個客... 呢樣嘢就真係搞笑囉！
到我埋單嘅時候， 張單係 $588... 我哋俾咗 $600 個侍應問我哋有冇多兩蚊齊頭找返俾我哋， 但其實佢計錯數係要問我哋拎 $8 囉... 咁簡單嘅數都可以計錯... 之後返到屋企我再認真睇張單，發現張單初頭係落錯晒啲嘢，所以導致我哋咁耐都未有嘢食... 而且我哋兩個人係飲可樂 / 零系可樂... 而根本冇飲烏龍茶... 結果佢哋收多咗我哋$3 ，不過呢樣算啦，只怪我埋單嘅時候冇睇清楚... 公道啲講句，食物質素係幾好嘅，但係服務質素真係極差... 我自己本人喺深水埗分店食過覺得唔錯，所以今次先會選擇去其他分店去食，結果竟然有咁嘅用餐體驗... 其實成間餐廳都唔係坐滿晒客，而且有足夠嘅侍應嘅情況下都可以做到咁嘅質素真係令人徹底失望...
為咗證實我以上講嘅嘢嘅真實性，所以附上用餐收據。
Post
