Video
Read full review
2016-07-20
1583 views
同朋友去完圖書館餓底上身，想在附近午餐，天氣熱，涼涼的壽司就正合我意啦 我拉開門入去，有個黑面嬸勁悪立即趕我出黎話未開門😮 吓食店成中午十二點都未開門係咩玩法😒天氣熱辣辣都惟有在外面乾等，見員工係入面打點中諗住都係等一陣😔結果係等到成身出汗咁耐😰 唔緊要，重點係，黑面嬸帶我去另一個舖位入座，吓？明明一早隔離有間咁大既冷氣房點解唔叫我地坐係入面先？😡成身汗即刻叫左2罐汽水(莫非其實黑面嬸想我地叫汽水所以先要我地乾曬？😆) ~ 叫左午餐set (一碗雜錦魚生飯唔包野飲)加幾款單點壽司(三文魚、鰻魚、玉子同帶子) share。食物正常味道啦，不過壽司飯就太酸同散 幾件壽司都夾唔起🙄 惟一好食既係火炙芝士玉子壽司☺️ 不過....當我地想加多兩件火炙芝士玉子壽司既時候，黑面嬸就又發脾氣，指住牆上張紙話提醒左啲客加單要早響，唔係張單要排隊有排等。我話唔緊要我地唔趕時間，佢立即藐嘴怒啤，話午餐時間好多客又有好多外賣，仲有人係出面等位，暗示我地加單既兩嚿壽司=我地"繼續霸住"張枱左住佢做生意咁😡 well. 既然係咁，無謂勉強迫你做多我十幾蚊生意，而阻你發達🙄 放棄加單改叫埋單，黑面嬸仲要贈送"好行
我拉開門入去，有個黑面嬸勁悪立即趕我出黎話未開門😮 吓食店成中午十二點都未開門係咩玩法😒
天氣熱辣辣都惟有在外面乾等，見員工係入面打點中諗住都係等一陣😔結果係等到成身出汗咁耐😰 唔緊要，重點係，黑面嬸帶我去另一個舖位入座，吓？明明一早隔離有間咁大既冷氣房點解唔叫我地坐係入面先？😡
成身汗即刻叫左2罐汽水(莫非其實黑面嬸想我地叫汽水所以先要我地乾曬？😆) ~ 叫左午餐set (一碗雜錦魚生飯唔包野飲)加幾款單點壽司(三文魚、鰻魚、玉子同帶子) share。食物正常味道啦，不過壽司飯就太酸同散 幾件壽司都夾唔起🙄 惟一好食既係火炙芝士玉子壽司☺️ 不過....
當我地想加多兩件火炙芝士玉子壽司既時候，黑面嬸就又發脾氣，指住牆上張紙話提醒左啲客加單要早響，唔係張單要排隊有排等。我話唔緊要我地唔趕時間，佢立即藐嘴怒啤，話午餐時間好多客又有好多外賣，仲有人係出面等位，暗示我地加單既兩嚿壽司=我地"繼續霸住"張枱左住佢做生意咁😡 well. 既然係咁，無謂勉強迫你做多我十幾蚊生意，而阻你發達🙄 放棄加單改叫埋單，黑面嬸仲要贈送"好行夾唔送"既嘴臉😒
順帶一提，這𥚃是自助式服務 (即是冇服務) 落order自己劃、加茶加水、芥末豉油茶包餐具筷子碟都是自己出去攞，咁其實黑面嬸只是負責收order紙同計數，都唔似好忙，我地又冇踩到佢條尾，因乜解究黑面燥底到咁？香港人，放鬆啲啦~ 😆
最埋單都成位位150，以環境食物質素而言，堅．貴😱 ，下次應該會情願去青衣城食元氣 !
Post