Video
Read full review
2018-01-22
173 views
冇諗過要寫第一篇食評係負面嘅，但實在不吐不快。第一次食呢間，西營盤而加新開左好多食肆，呢間都已經開左有一段時間。今日（啱啱）終於都幫襯，結論 - 冇下次！對未食過嘅人黎講絕對唔係損失。食物質素 - 好一般，冇咩特別。價錢唔係平。冬陰公湯包3個餸1個粉，我叫左蟹柳、手撕雞、豬頸肉，另加$10要多個餸-糖心蛋；配唔淋的粉絲；另另加錢叫青檸梳打，一共盛惠$80。呢個價錢仲貴過我尋晚係三哥食兩餸三酸湯底加小白加埋野飲！本來食物麻麻都唔係咩事，自己唔再去就得。但發生的小插曲實在令人無言：L-shape吧枱一共8座位，當時下午2點過後未夠2:30只有我一個客人坐係嗰到。向出面馬路窗邊另有一排4座位，其時亦有1個客人坐最入。之後有個女仔入黎坐係窗邊排位，好正常地會同坐最入面嘅客人隔一個位咁坐，因為大家唔識架嘛！亦都未必想坐嗰排最外面個位因爲嗰個位係門口隔離。個女仔落單時店員就同個女仔講「你坐過啲或者出啲個位呀」我覺得好奇怪，佢大可以叫個女仔坐過黎我嗰邊的L型吧枱，點解會叫個女仔坐過啲或者出啲？個女仔都反問「有咩分別？」店員話「一陣我有兩個客人的話咁佢地咪坐唔到落黎囉」當刻成間小小的舖頭12個座位只有
第一次食呢間，西營盤而加新開左好多食肆，呢間都已經開左有一段時間。今日（啱啱）終於都幫襯，結論 - 冇下次！對未食過嘅人黎講絕對唔係損失。
食物質素 - 好一般，冇咩特別。價錢唔係平。
冬陰公湯包3個餸1個粉，我叫左蟹柳、手撕雞、豬頸肉，另加$10要多個餸-糖心蛋；配唔淋的粉絲；另另加錢叫青檸梳打，一共盛惠$80。呢個價錢仲貴過我尋晚係三哥食兩餸三酸湯底加小白加埋野飲！
本來食物麻麻都唔係咩事，自己唔再去就得。但發生的小插曲實在令人無言：
L-shape吧枱一共8座位，當時下午2點過後未夠2:30只有我一個客人坐係嗰到。向出面馬路窗邊另有一排4座位，其時亦有1個客人坐最入。之後有個女仔入黎坐係窗邊排位，好正常地會同坐最入面嘅客人隔一個位咁坐，因為大家唔識架嘛！亦都未必想坐嗰排最外面個位因爲嗰個位係門口隔離。
個女仔落單時店員就同個女仔講「你坐過啲或者出啲個位呀」我覺得好奇怪，佢大可以叫個女仔坐過黎我嗰邊的L型吧枱，點解會叫個女仔坐過啲或者出啲？個女仔都反問「有咩分別？」店員話「一陣我有兩個客人的話咁佢地咪坐唔到落黎囉」
當刻成間小小的舖頭12個座位只有2個食緊野嘅客同1個新黎啱啱坐底嘅客，咁樣安排座位你冇野呀？！ 星期一下午2點幾的西營盤？每個客黎食碗粉最多咪半個鐘。
我聽到都覺得火大，好在個女仔都好有骨氣地話唔係到食喇，店員話「唔緊要呀」然後個女仔就走左。
咁嘅態度同待客手法，唔去真係唔係你損失。可能佢真係唔憂做（或者已經唔想做）。係呢個競爭激烈嘅西營盤，斜對面仲有好受歡迎仲係成日大排長龍嘅阿元，祝你好運！
Post