Video
Read full review
2021-11-20
72 views
星期五收工唔想煮飯，咁岩見到呢間路端燒評價唔錯，一個喊都冇，我就諗住過嚟食吓好嘢開心吓，慰勞自己呢一個星期嘅忙碌啦，但係食完之後，我真係好懷疑之前啲食評都係廣告！首先一嚟到餐廳，感覺已經有一個好大嘅落差，說好了的爐端燒呢？！根本係壹間茶記…OK冇問題，裝修嘅嘢見仁見智，啲嘢好食嘅話都冇乜所謂啦。但係點知到佢上第一道菜嘅時候即時嚇一跳！首先上嘅係味醂魚干， 一上枱就俾佢個size嚇親，從來未見過一客咁細份嘅魚干。OK有味嘅，但完全唔香完全冇烤過嘅感覺，只係純粹返熱，開袋叮翻熱就俾你嗰種，失望…跟住到串燒牛舌同三文魚腩，個牛舌味道OK嘅，但係又細塊又薄切，完全冇口感。個三文魚腩，嘩經典啊，仲衰過我自己喺屋企煎！有骨我都唔怪你啦鬼叫自己嗌魚食，但真係未試過三文魚腩個魚皮有燶嘅苦味但係完全唔脆係奀皮嘅，佢到底用一個咩嘅技術先可以整到咁嘅效果？到壽司拼盤，佢啲刺身完全唔新鮮，海膽有苦味嘅，個舊拖羅我都唔預你好肥美啦，我可以容許到你有少少根(始終係生物唔係合成魚生我明嘅)，但係都唔係多根到咁呀嘛… 我最後咬唔到要吐返出嚟果條根大到呢…真係唔知一個乜嘢質素嘅魚生加一個咩刀工先至可以切到一舊咁嘅魚生出
首先一嚟到餐廳，感覺已經有一個好大嘅落差，說好了的爐端燒呢？！根本係壹間茶記…
OK冇問題，裝修嘅嘢見仁見智，啲嘢好食嘅話都冇乜所謂啦。但係點知到佢上第一道菜嘅時候即時嚇一跳！
首先上嘅係味醂魚干， 一上枱就俾佢個size嚇親，從來未見過一客咁細份嘅魚干。OK有味嘅，但完全唔香完全冇烤過嘅感覺，只係純粹返熱，開袋叮翻熱就俾你嗰種，失望…
跟住到串燒牛舌同三文魚腩，個牛舌味道OK嘅，但係又細塊又薄切，完全冇口感。個三文魚腩，嘩經典啊，仲衰過我自己喺屋企煎！有骨我都唔怪你啦鬼叫自己嗌魚食，但真係未試過三文魚腩個魚皮有燶嘅苦味但係完全唔脆係奀皮嘅，佢到底用一個咩嘅技術先可以整到咁嘅效果？
到壽司拼盤，佢啲刺身完全唔新鮮，海膽有苦味嘅，個舊拖羅我都唔預你好肥美啦，我可以容許到你有少少根(始終係生物唔係合成魚生我明嘅)，但係都唔係多根到咁呀嘛… 我最後咬唔到要吐返出嚟果條根大到呢…真係唔知一個乜嘢質素嘅魚生加一個咩刀工先至可以切到一舊咁嘅魚生出嚟（本來真係好想影埋嗰舊我吐返出嚟嘅根俾大家開下眼界，但最後為大眾嘅身心靈健康決定唔咁做）
燒鱔，都係奀皮嘅…
跟住到個金馬倫芝士卷，佢用啲包包住個芝士再唔知炸定係點整，首先有大半條包都係空心嘅，我真係唔知佢卷左幾多芝士落去，最重要嘅係佢嗰塊包根本仲隔夜過隔夜麵包仲要係麵包皮咬落去完全唔係炸或者焗過嘅感覺，係硬到hihi ，芝士又冇芝士味，識落除咗熱氣我乜都食唔到。
到野菜天婦羅，話呢個簡直係經典中嘅經典，我從來冇食過一個咁恐怖嘅天婦羅。佢一上枱我一見到嘅時候已經呆一呆，哇唔係呀嘛咁厚炸漿嘅…叫自己停一停深呼吸，冷靜咗2秒之後心諗，冇嘢嘅炸漿都會有唔同style有啲廚師鍾意做薄有啲鍾意造厚應該OK嘅…但係一咬落口，今次GG了…首先佢嗰個炸醬厚都唔緊要啦但係佢係硬嘅！硬度參口嗰隻，咬開隻冬菇，嗰隻冬菇又細隻又薄身，根本係我娘親用嚟整冬菇粒果啲平價冬菇仔(所以要用個厚嘅炸漿皮整到佢大隻啲，絕！ )，咬到最後嗰啖個炸皮脱殼跌落隻碟度”quong”一聲，無論係視覺味覺聽覺都感受到佢嘅硬…
跟住到吉列廣島蠔，心諗應該冇事啦掛都係用急凍蠔炸返熱嘅啫…個色水係深色咗少少仲未去到窿嘅…咬落口，依然有佢嘅炸漿特色，隻蠔個炸漿厚度呢佔咗橫切面差不多三份一，個炸皮硬到hihi，咬到落個蠔肉度，裡而啲肉一pat咁完全唔Juice …
呢餐真係食到懷疑人生，食唔飽都完全冇動力再去加單，真係寧願返屋企食杯麵或者樓下噏耷茶記食都冇咁嬲，都仲好食過佢！
但係有一樣嘢要讚一讚佢，佢個Menu裏面啲相影得真係唔錯，果然係圖片只供參考👍🏻
Post
