Video
Read full review
2022-08-31
127 views
太古城Apita裝修後有兩間新餐廳，假日就去試下，見幸福鳥唔使排隊等位就試佢先。假日兩點幾都仲有lunch set，似乎幾好，點知係大失所望…店員首先俾咗兩個細兜嘅前菜，分別係菠菜同沙律菜，前者正正常常，後者個汁落得太多太搶味。老公叫嘅係廚師精選日式便當，係全部set之中最貴，要$268。呢個set真係值$268？？！！份量少，塊牛扒係凍冰冰。吉列蠔同芝士還好，起碼係熱。刺身係普通貨色，鯖魚正常但唔好彩係好多骨嘅位。整體真係唔識呢個價！我叫嘅係串燒六盛合，我諗呢間店係主打串燒，所以先叫呢個set。雞翼係鹽燒，好食同夠juicy。雞脾肉、雞肉長蔥燒、免治軟骨雞肉棒都好普通，食完唔會記得係咩味，因為冇乜味。冬菇同秋葵都係冇乜特別。一定要講埋兩個set嗰碗白飯，好差好差，完全冇日本米飯嗰種煙韌，係屋企煮飯落得太多水爛爛地嘅質感。今餐連加一食咗$500左右，唔知自己食咗乜，老公食完仲係肚餓，呢間野真係冇下次…ps食完之後先睇到其他人嘅評語，唔知點解有咁多好評，然後望一望隨意比較下幾個人食咗咩，明眼人就知咩事了～
假日兩點幾都仲有lunch set，似乎幾好，點知係大失所望…
店員首先俾咗兩個細兜嘅前菜，分別係菠菜同沙律菜，前者正正常常，後者個汁落得太多太搶味。
老公叫嘅係廚師精選日式便當，係全部set之中最貴，要$268。
廚師精選日式便當
$268
10 views
0 likes
0 comments
呢個set真係值$268？？！！
份量少，塊牛扒係凍冰冰。吉列蠔同芝士還好，起碼係熱。刺身係普通貨色，鯖魚正常但唔好彩係好多骨嘅位。整體真係唔識呢個價！
我叫嘅係串燒六盛合，我諗呢間店係主打串燒，所以先叫呢個set。
串燒六盛合
$188
8 views
0 likes
0 comments
雞翼係鹽燒，好食同夠juicy。雞脾肉、雞肉長蔥燒、免治軟骨雞肉棒都好普通，食完唔會記得係咩味，因為冇乜味。冬菇同秋葵都係冇乜特別。
一定要講埋兩個set嗰碗白飯，好差好差，完全冇日本米飯嗰種煙韌，係屋企煮飯落得太多水爛爛地嘅質感。
今餐連加一食咗$500左右，唔知自己食咗乜，老公食完仲係肚餓，呢間野真係冇下次…
ps食完之後先睇到其他人嘅評語，唔知點解有咁多好評，然後望一望隨意比較下幾個人食咗咩，明眼人就知咩事了～
Post
