小排檔懷舊車仔麵

Open Now

Now Closed

好少可會去石硤尾，因為做嘢所以要過去，就想試吓食平時冇乜機會食嘅嘢，所以就揀咗間餐廳坐低。不嬲鍾意食車仔麵，但係呢間嘅車仔麵，基本上係色香味俱唔全，個樣就有相睇啦，我諗都唔使我講，絕對唔能夠引起食慾。味道呢，我唔知佢個湯底搵咩整，好大機會係豉油加水，冇味嘅，可能要讚下嘅係冇味精囉。韭菜餃同埋花枝丸應該都係出面買最平嗰啲，唔好食。薯粉本身係正常，但係湯底無味，咁即係都冇味啦。唯一可取嘅係隻糖心蛋，真係糖心，係好食嘅。