MOMOJEIN Korean Restaurant (Closed)

居美o既型男表哥回港十天，每日都忙於與眾多親友會面，最重要o既大除夕居然奉獻俾肥肥家族 。同得小肥表弟食野，地方當然唔洗佢粗心啦，不過為怕交通有所改路而造成不便，午餐同晚餐都留返喺灣仔區。先講午餐，除咗我地兩老表之外，其實仲有一位於同區工作o既好友索兔一齊用膳，諗住三個潮人聚埋不如搞搞新意思 ，所以就提議試食新潮韓國菜「MOMOJEIN Korean Restaurant」。樓面不同國籍o既伙計只懂用英語溝通，雖未有黑面或不禮對待，但感覺略欠熱誠 。多得細佬預早訂位，三人被安排入座窗邊一角o既圓枱位置，闊落舒適。身旁有棵聖誕樹，窗邊擺滿綠葉盆栽，又有陽光透入黎，極為寫意 。餐牌、餐具、連同一大樽水一早已擺放喺餐桌上。三口子決定試勻飯、麵、及輕食，每樣點咗一款分黎食。飯同麵屬套餐，各包有泡菜及前菜一碟，酸辣醒胃。跟麵再多送一客沙律。 Beef Shank Rice Set Served with Kimchi & 1 Side Dish（$123）：牛展腍就夠腍，不過鍋底紅色o既汁液帶點微微酸辣，唔夠咸，點上另上o既介辣醬又唔多討好 ，個人唔多鐘意。 Tofu Balls