Video
Read full review
2020-04-26
469 views
去到中上環搵食，咁啱見到呢間餐廳eatigo有做半價優惠，即刻上網睇埋食評，見餐廳其中一道特色菜 - 龍蝦湯牛角包幾吸引，所以決定一試。環境：餐廳地方唔大，地點位於普慶街，晚飯時段都比較僻靜，餐廳入面環境都好有外國風味，都幾啱情侶撐枱腳。餐廳總共可以容納約30人，抬與枱之間都算闊落，坐得都幾舒服。服務：特別一提既係餐廳入面有位東南亞籍侍應服務唔錯，雖然佢係東南亞裔，但係操流利廣東話 ，感到好驚喜。不過重點係佢招呼好好，服務態度一流，呢一點而家真係冇乜餐廳可以做到，絕對要支持。仲有一點就係呢度嘅上菜速度好快，值得一讚。食物：自家製龍蝦湯牛角包：上網search呢間餐廳，已經知呢個係必食之一， 牛角包外脆內軟，一切開，香濃嘅龍蝦湯味衝入鼻腔，牛角包配埋龍蝦湯果唔到咁夾，雖然個牛角包大大件，但係食落好似好快食完，原因係食到停唔到口。紐西蘭羊肩配薯蓉：賣相十分精緻，羊肩肉煎得十分香口，有香濃嘅炭香味，但肉質有點粗糙，但整體口感尚可，不過最有驚喜嘅竟然係配菜蘑菇，蘑菇配合特製醬汁煎到好香，食落有好香濃嘅炭火味，平時我都唔會點食配菜，但今次真係要食曬佢。牛肩排配鴨肝：賣相同羊肩肉一樣十分精緻，牛肩
環境：
餐廳地方唔大，地點位於普慶街，晚飯時段都比較僻靜，餐廳入面環境都好有外國風味，都幾啱情侶撐枱腳。餐廳總共可以容納約30人，抬與枱之間都算闊落，坐得都幾舒服。
服務：
特別一提既係餐廳入面有位東南亞籍侍應服務唔錯，雖然佢係東南亞裔，但係操流利廣東話 ，感到好驚喜。不過重點係佢招呼好好，服務態度一流，呢一點而家真係冇乜餐廳可以做到，絕對要支持。仲有一點就係呢度嘅上菜速度好快，值得一讚。
食物：
自家製龍蝦湯牛角包：
上網search呢間餐廳，已經知呢個係必食之一， 牛角包外脆內軟，一切開，香濃嘅龍蝦湯味衝入鼻腔，牛角包配埋龍蝦湯果唔到咁夾，雖然個牛角包大大件，但係食落好似好快食完，原因係食到停唔到口。
龍蝦湯牛角包
$58
54 views
0 likes
0 comments
紐西蘭羊肩配薯蓉：
賣相十分精緻，羊肩肉煎得十分香口，有香濃嘅炭香味，但肉質有點粗糙，但整體口感尚可，不過最有驚喜嘅竟然係配菜蘑菇，蘑菇配合特製醬汁煎到好香，食落有好香濃嘅炭火味，平時我都唔會點食配菜，但今次真係要食曬佢。
紐西蘭羊肩
$218
24 views
0 likes
0 comments
牛肩排配鴨肝：
賣相同羊肩肉一樣十分精緻，牛肩排三成熟左右，但食落唔會太生，同樣好重炭火味，肉質好嫩滑，配合埋香煎鴨肝，牛肩排可以中和鴨肝嘅油膩，感覺一絕，配菜同樣都係香煎蘑菇，冇得頂。
牛肩排配鴨肝
$288
32 views
0 likes
0 comments
飲品：
因為餐廳做緊優惠，所以餐廳要求最小Order一杯飲品，價錢唔算平，但食物優惠去到半價咁抵，冇得輸啦。
提拉米蘇芝味特飲：
其實係齋啡上層鋪左一層芝士奶蓋，特別一提餐廳嘅芝士奶蓋唔會太濃，所以飲落唔會好肥膩，配合咖啡嘅香味，感覺幾match。
提拉米蘇芝味特飲
$44
27 views
0 likes
0 comments
白桃芝味特飲：
呢杯係白桃梳打上層鋪芝士奶蓋，白桃梳打略嚴有少少酸，芝士奶蓋上面仲鋪咗一層玫瑰花瓣，所以飲落除咗白桃嘅香味，仲有少少玫瑰嘅味道，感覺都幾新鮮。
白桃芝味特飲
$44
26 views
0 likes
0 comments
Post
