Noodies (Closed)

好日都唔會走到去西環，今日上晝喺上環見完客，諗起bookmark左一排都仲未食到既Noodies，於是專誠搭左一個站黎食。事前睇左d review，好壞參半、比較極端，但仍然對佢既喇沙湯底同豬手寄予厚望。12點黎到既我似乎係第一個客，店內仲熱過八月香港條街，真係個心都離一離😨店員話已經開左冷氣，或者坐入D會涼啲。好啦坐啦，又比我feel到廚房既熱氣噴緊出黎...事前做晒功課，迅速order左喇沙湯、米粉、豬手、手撕雞、溏心蛋 $65。上檯嗰刻第一時間見到隻蛋 - 唔溏心既喂?! 親這是全熟蛋哦.....💀💀💀試一啖喇沙湯，夠椰味但係唔夠鮮味，唔明點解其他comments講到咁正，冇咩特別喎🤷🏻‍♀️ 手撕雞就可以接受，浸完喇沙湯都唔會食唔出本身既調味。豬手係另上既，炆得頗入味，連個汁都膠膠地。如果湯底可以揀炆豬手個汁應該會好食好多！本身叫左少辣，唔想食到出晒汗再番公司。我係個極唔怕熱好少出汗既人，但係食到一半已經滴緊汗熱到想死！問店員攞杯凍水都要加錢，或者叫我加錢叫野飲，但而家係你地餐廳冷氣壞左喎...埋單嗰時先有第二檯客黎，個個都嗌熱👺對一碗charge平時車仔麵兩倍價錢既餐廳，環境差