Video
Read full review
2007-10-17
18 views
冇可能可以再差. Really. pt.1講起一匹布咁長......Went there a month ago... 我不嬲都唔係蘇施黃fans，但咁啱我個friend suggest就算啦，打電話訂位，臨尾問佢「咁訂咗就唔使等呀﹖」佢話「梗係啦﹗」唔...感覺良好﹗點知......準時去到，要等。Meanwhile佢畀menu我地睇，唔緊要。等足15分鐘，唔緊要。聽到另外等枱既女仔問厠所係邊，佢指向後面既公厠...好緊要﹗留意︰等位時問佢可唔可以叫定ribs，因為menu寫要等20分鐘。佢話唔使，好快有。OK，信佢。卒之等吓等吓佢都要take咗order先，因為要準時交枱。（點解遲畀枱都要準時交﹖）留意︰我叫rib eye，medium rare，佢話會生生地喎，我話我知。上菜。Cream of mushroom soup未飲過咁難飲，好杰（唔係cream soup果隻杰，係面頭有高低landscape果隻杰），好多奶油，好肥，冇菇味。Caesar salad菜唔新鮮，水汪汪，唔夠sauce亦冇味。頭盤未食完己經上Main Course。我個rib eye完全冇牛肉味，上面有一pa
講起一匹布咁長......
Went there a month ago... 我不嬲都唔係蘇施黃fans，但咁啱我個friend suggest就算啦，打電話訂位，臨尾問佢「咁訂咗就唔使等呀﹖」佢話「梗係啦﹗」唔...感覺良好﹗
點知......
準時去到，要等。Meanwhile佢畀menu我地睇，唔緊要。等足15分鐘，唔緊要。聽到另外等枱既女仔問厠所係邊，佢指向後面既公厠...好緊要﹗留意︰等位時問佢可唔可以叫定ribs，因為menu寫要等20分鐘。佢話唔使，好快有。OK，信佢。卒之等吓等吓佢都要take咗order先，因為要準時交枱。（點解遲畀枱都要準時交﹖）留意︰我叫rib eye，medium rare，佢話會生生地喎，我話我知。
上菜。Cream of mushroom soup未飲過咁難飲，好杰（唔係cream soup果隻杰，係面頭有高低landscape果隻杰），好多奶油，好肥，冇菇味。Caesar salad菜唔新鮮，水汪汪，唔夠sauce亦冇味。
頭盤未食完己經上Main Course。我個rib eye完全冇牛肉味，上面有一pat由cream of mushroom移師過來既奶油，好杰好難食。一切開，嘩~~標血架，好淋，因為係Rare唔係medium rare。我同佢講話太生，佢一臉"I told you so" 咁同我講「即係你接受唔到呢個生熟程度」嘩，咁都講得出﹖﹗我話「我接受到既係medium rare而呢個唔係，係rare﹗」佢（本著顧客是錯的但我唔同你拗既精神）倖倖然咁攞去換，唔係，係攞去再煎。唉~我由金雀食到皇后，Louis’食到Morton's都冇見過咁既野...
同行order既Spaghetti Alio Olio亦有同樣既水準，色香味俱無，以為大大粒蒜就好，但spaghetti係用一般茶餐廳既肥版，冇彈性spaghetti。
食完（應該話放棄）以上main course再過一陣先黎Ribs，的而且確係最好，唔太韌，但凍冰冰，比起Tony Roma’s我畀6分。
叫dessert, 用錯咗英文叫bread pudding同埋Earl Grey pudding。個女侍應一臉茫然咁話ok走咗。過咗一陣，佢竟然番黎問「係咪一號同二號﹖」天呀，我冇menu又點知幾多號﹖但凍既bread pudding加冰冰雪糕竟然有出面三流bread pudding咁好味，驚喜﹗Earl Grey pudding直程係好味﹗
整體黎講水準好平均，平均地差劣，除Earl Grey pudding外。在此奉勸小白屋既厨師上吓Towngas既beginner’s course，可能會有進步，但係service就…
Post