Bistro (Closed)

下午茶時分，走去ac3食下午茶，都有一段時間冇翻過去食，見到有呢啲炸雞翼下午茶餐好似幾得意，就試吓啦。呢個係炸雞翼撈麵。個樣平平無奇。一堆麵，加三隻炸雞翼。麵嘅質地偏乾，冇乜顏色。食落口又中伏。淡，冇味，係食緊一啲鹹鹹地嘅麵。麵質偏淋，唔係幾好食。本身以為係營多撈麵，點知係乜味都冇嘅麵。不過炸雞翼係好食嘅，外皮脆，入面炸唔乾，而且仲有啲肉汁。味道都唔差，鹹味適中。綜合嚟講，雖然個雞翼唔錯，但係個麵咁伏，都係難以接受。