魚蝦蟹 (Closed)

我自己本身唔係太鍾意食拉麵，因為覺得個湯底通常都比較油同比較滯，不過見呢一間主打冇味精嘅湯底，加上係海鮮湯底，咁朋友話想試，就比一次機會佢啦，點知真係有驚喜！呢到裝修同氛圍都好溫馨，感覺就好似外國啲小店咁樣，我地兩個都要左招牌鮮濃蝦湯麵，一上枱已經聞到好濃嘅鮮蝦味，湯底亦都呈現淡淡嘅橙色，真係真材實料，飲落去好清甜好鮮味，之後將成碗湯飲晒，都完全冇口渴，真係冇味精！我哋都配咗跟套餐，我最欣賞就係佢個蕃茄同蓮藕片漬，酸酸甜甜，超級開胃！另外我哋都叫咗個小食，就係個蒸魚肉燒賣配招牌特濃鮮蝦汁，呢個真係要即刻食，因為上面有蝦片，加埋個醬汁，真係有超級濃嘅蝦味！呢到店員哥哥超有禮貌，自己一個人搞掂晒樓面同收銀，大家一定要嚟多多支持！