Video
Read full review
2008-10-15
115 views
師傅大大話話都有成十幾年冇黎過呢度, 難得放假加上該日都係一日值得慶祝嘅大日子, 所以師傅決定食好d啦; 由於太耐冇黎過, 所以差d都唔識去!起初師傅都有d擔心會唔會冇位呢? 但去到後發現地方好大, 所以大把位! 伙計有禮招呼入坐, 一坐底師傅就即刻睇下有咩好食, 既然黎到呢度, 當然係食海鮮啦; 睇左一陣就柯打左龍蝦沙律, 半斤白灼基圍蝦, 金銀蛋菠菜同埋清蒸黃衣! 點知過左一陣個部長就行埋黎話條黃衣賣左, 於是就介紹另一條比師傅, 而師傅諗左一陣就決定要條海紅班啦!飲下茶, 吹下水, 頭盤龍蝦沙律率先登場; 龍蝦沙律賣相相當之靚, 再試下個沙律, 沙律唔係蜜瓜就係哈蜜瓜, 係鮮果而唔係雜果, 鮮果夠清夠甜, 好好味, 而另一主角龍蝦嘅份量都好多, 肉質爽口鮮甜, 加上啖啖肉又冇殼, 勁好味; 清晒碟龍蝦沙律後, 就即刻開始食白灼基圍蝦, 基圍蝦夠鮮夠甜, 入口勁爽, 好正!金銀蛋菠菜又係好大碟, 菠菜好嫩好綠, 都好好味, 而金銀蛋嘅味道就冇咩特別, 可以啦; 最後試埋條海紅班啦, 魚身真係蒸得好滑, 一d都唔老, 而肉質好鬆但冇咩魚味, 呢度就要扣少少分喇!總括黎講食物質素頗佳,
起初師傅都有d擔心會唔會冇位呢? 但去到後發現地方好大, 所以大把位! 伙計有禮招呼入坐, 一坐底師傅就即刻睇下有咩好食, 既然黎到呢度, 當然係食海鮮啦; 睇左一陣就柯打左龍蝦沙律, 半斤白灼基圍蝦, 金銀蛋菠菜同埋清蒸黃衣! 點知過左一陣個部長就行埋黎話條黃衣賣左, 於是就介紹另一條比師傅, 而師傅諗左一陣就決定要條海紅班啦!
飲下茶, 吹下水, 頭盤龍蝦沙律率先登場; 龍蝦沙律賣相相當之靚, 再試下個沙律, 沙律唔係蜜瓜就係哈蜜瓜, 係鮮果而唔係雜果, 鮮果夠清夠甜, 好好味, 而另一主角龍蝦嘅份量都好多, 肉質爽口鮮甜, 加上啖啖肉又冇殼, 勁好味; 清晒碟龍蝦沙律後, 就即刻開始食白灼基圍蝦, 基圍蝦夠鮮夠甜, 入口勁爽, 好正!
金銀蛋菠菜又係好大碟, 菠菜好嫩好綠, 都好好味, 而金銀蛋嘅味道就冇咩特別, 可以啦; 最後試埋條海紅班啦, 魚身真係蒸得好滑, 一d都唔老, 而肉質好鬆但冇咩魚味, 呢度就要扣少少分喇!
總括黎講食物質素頗佳, 環境都好舒服, 服務態度就好好, 所以既然有咁佳嘅水準, 價錢都唔會預佢平得去邊, 點知埋單要成一千八百五十蚊, 比師傅預計中貴左三分一, 點解會咁呢?
師傅睇下張單, 見個龍蝦沙律係六百八十蚊, 都仲可以接受, 再望下條魚發現竟然係七百一十五蚊, 竟然仲貴得過龍蝦沙律, 而條海紅班都係十三四兩重, 咁咪即係要成五十蚊兩, 似乎貴左少少喎, 不過又冇辦法, 鬼叫師傅自己大意, 唔記得問幾錢兩, 咪唯有比人係咁搶? 差唔多成千銀一個人, 都可算係師傅有生以來最貴嘅一餐! 笑臉都仲比到, 但相信又有一段時間都唔會再黎喇!
Post
