齊柏林熱狗店 (樂軒臺) (Closed)

冇晚市堂食都一排，宜家晚晚都要想去邊度食同食咩。如果係街邊食又唔係度度有枱，所以真係都幾頭痛。好彩最近發現齊柏林熱狗外賣街邊食都ok。今次就叫咗一個美式洋蔥熱狗餐。除咗熱狗之外，仲有一份薯條同一杯可樂。熱狗方面夠熱但唔會太辣嘴，洋蔥炸得夠香同脆。雖然有汁但都夠脆。不過要留意既係分量比較細。薯條方面就麻麻地，可能始終係做熱狗為主，薯條炸得太老。脆係脆但冇曬薯肉味。加分位係個醬。佢加埋黃芥末入茄汁。提升咗個層次。總括黎講，晚市冇堂食就一流，但開翻就一定去翻普通餐廳堂食。