Video
Read full review
2022-03-09
186 views
Throwback番初三嘅一個lunch😎記得當日天氣好凍，又落住雨，原本係想去佐敦嘅一間手工意粉店食lunch，點知聰明嘅我哋冇做research，去到摸門釘🤣然後俾我spot到前面呢間一樣俾我bookmark咗好耐嘅cafe，雖然人好多，但都決定排一排🤫見到條人龍原本都驚，成8、9個人喺前面，以為會等好耐。但原來佢人流控制都做得幾好，每5-10分鐘到就會有一、兩枱客走，所以我哋都係等咗30-35分鐘左右，比起預期中算係好快😂經典卡邦尼煙肉意粉作為佢哋嘅招牌菜，當然要一試。意粉嘅顏色比起一般嘅卡邦尼意粉淺色，因為佢哋嘅醬汁冇用到忌廉，淨係單純用咗蛋黃汁，所以相對哋都乾身啲。但因為我本身係好鍾意食乾身嘅炒意粉，所以對我不成問題。反而覺得要扣分嘅位係冇咗奶油嘅香濃，稍為失去咗carbonara嘅特色。不過，特別欣賞佢哋用咗腩肉切片去代替煙肉片，食起嚟更有咬口。而且面頭仲有啲脆煙肉片做點綴，撈埋蛋黃，令成個味道昇華咗，的確係補償到冇用到忌廉嘅不足👍Revol精選早餐要留意返佢係一個精選早餐唔係全日早餐，食材同煮法都同我哋食開嘅all day breakfast有不同。佢哋嘅食材選擇都比較健
見到條人龍原本都驚，成8、9個人喺前面，以為會等好耐。但原來佢人流控制都做得幾好，每5-10分鐘到就會有一、兩枱客走，所以我哋都係等咗30-35分鐘左右，比起預期中算係好快😂
經典卡邦尼煙肉意粉
作為佢哋嘅招牌菜，當然要一試。意粉嘅顏色比起一般嘅卡邦尼意粉淺色，因為佢哋嘅醬汁冇用到忌廉，淨係單純用咗蛋黃汁，所以相對哋都乾身啲。但因為我本身係好鍾意食乾身嘅炒意粉，所以對我不成問題。反而覺得要扣分嘅位係冇咗奶油嘅香濃，稍為失去咗carbonara嘅特色。不過，特別欣賞佢哋用咗腩肉切片去代替煙肉片，食起嚟更有咬口。而且面頭仲有啲脆煙肉片做點綴，撈埋蛋黃，令成個味道昇華咗，的確係補償到冇用到忌廉嘅不足👍
Revol精選早餐
要留意返佢係一個精選早餐唔係全日早餐，食材同煮法都同我哋食開嘅all day breakfast有不同。佢哋嘅食材選擇都比較健康，有yoghurt或者奇亞籽布甸做選擇，仲有藜麥同有nuts嘅烤麵包做伴碟。我哋揀咗奇亞籽布甸，面頭有granola同少少生果，食落好舒服好開胃，個人認為有少少糖漿撈落去食更好食！
Cafe裝修好舒服，可以慢慢同朋友坐低慢慢傾計。如果平日少人啲嚟相信會仲輕鬆仲chill！佢哋除咗佐敦之外喺灣仔都有分店，可以下次去埋🤞附上一張我哋點咗嘅macchiato作結，嚟到cafe點可以唔飲咖啡😎
Post
